Hólmasvæðið í Ásgarði er frábært veiðisvæði. Í vorveiðinni er boðið upp á ódýr veiðileyfi heilan dag í senn. Gisting fylgir ekki leyfunum.


Veiðisvæðið: Í upphafi veiðitíma, þ.e. frá 1. apríl til 20. júní er veitt frá markagirðingu við Álftavatn og upp allt Ásgarðssvæðið, að veiðimörkum Ásgarðs og Syðri Brúar.

Eftir 20.  júní er aðeins veitt á svokölluðu silungasvæði. Þá afmarkast svæðið af víkinni neðan gamla veiðihússins og að markagirðingu við Álftavatn.

Veiðileyfi: fjórar stangir stangir eru leyfðar á svæðinu frá opnun til 20.06 og eru þær seldar tvær saman í pakka. Eftir 20.06 eru þrjár stangir á svæðinu og eru þær seldar stakar.

Veiðitími: Allt tímabilið er  veidd ein samfelld vakt frá klukkan 8-20 án hlés.

Leyfilegt agn: Fluga

Veiðireglur: Veiða og sleppa bæði laxi og silung án undantekninga

Veiðihús: Ekkert veiðihús.
Hægt er þó að leigja veiðihúsið við Ásgarð kjósi veiðimenn svo og er þar pláss fyrir allt að 8 manns. Veiðihúsið er með besta móti við árbakkann með útsýni úr heita pottinum yfir ánna. Þar er einnig gufa og útisturta sem skapa góðar aðstæður til þess að slake vel á eftir veiðidaginn. Það eru 4 svefnherbergi í húsinu, þar af þrjú með tveimur einstaklingsrúmum og eitt með tvíbreiðu rúmi. Fimm salerni eru í húsinu, 2 innisturtur og ein útisturta, góðar eldunaraðstæður, Netflix og grill.
Hafið samband við skrifstofu fyrir frekari upplýsingar varðandi húsið, hér er einnig að finna fleiri myndir.

Leiðarlýsing að veiðisvæði: (eftir 20. júní) Tekin er beygja til vinstri rétt eftir að ekið hefur verið yfir brúna við Þrastalund. Ekið upp Grímsnesveg á vegi 36 um það bil 3 km og um 500 m áður en komið er að vegi að laxasvæði er tekin vinstri beygja að bílastæði sem staðsett er við Álftavatn. Veiðimenn eru beðnir að virða rétt sumarhúsaeigenda og fara aðeins um svæðið meðfram ánni en ekki yfir lóðir þeirra.

Umgengni og aðstæður: Veiðimenn eru beðnir að fara varlega á bökkum Sogsins. Æskilegt er að nota ávallt björgunarvesti . Gangið vel um og takið með ykkur allt rusl.

Veiðieftirlitsmaður:  Þorfinnur Snorrason S: 8352080

Nánari upplýsingar á skrifstofu í s: 531-6100