Við vorum að fá í hús glóðvolgar lokatölur úr ánum okkar við Djúp- Langadals og Hvannadalsá. Skemmst er frá því að segja að þær systur hafa átt betri ár og þá sérstaklega Hvannadalsá.
Úr Langadalsá komu samtals 245 laxar og var það áberandi hve hátt hlutfall af laxinum var stórlax, smálaxinn var liðfár líkt og víða. Tveir laxar yfir 100cm veiddust og 20 laxar á milli 90-99cm.
Veiðin skiptist eftir mánuðum og svæðum sem hér segir:
| Veiðisvæði | Júní | Júlí | Ágúst | September | Alls laxar |
| Efsta svæði | 12 | 27 | 37 | 23 | 99 |
| Miðsvæði | 12 | 40 | 29 | 12 | 93 |
| Neðsta svæði | 4 | 21 | 13 | 15 | 53 |
| Óskilgreint | 0 | 0 | 0 | 0 | 0 |
| Alls | 28 | 88 | 79 | 50 | 245 |
Fengsælustu flugur 2016
Rauð Frances 57
Sunray Shadow 24
Svört Frances 17
Silfurnálin 14
Aron Jóhannsson hefur haldið utan um tölur úr ánni í sumar og stofnað sérstaka Facebook síðu fyrir ána. Hana má finna hér: Langadalsá
Við þökkum Aroni kærlega fyrir að halda utan um fréttir af Langadalsá.
Hvannadalsá endaði tímabilið í 59 löxum, og voru 34 veiddir á maðk en 25 á flugu.
Veiðikveðja
Jóhann Davíð – jds@lax-a.is