Leirvogsá opnaði í gær þann 24.06 og var það Skúli fyrrverandi veiðivörður til margra ára sem opnaði ána ásamt félögum.
Skemmst er frá því að segja að mikið líf var í opnun. Skúli og félagar lönduðu 11 löxum eftir daginn og margir misstir.
Mesta lífið var við brúarsvæðið, í Kvörninni og þar um kring. Þeir urðu líka varir við töluvert af laxi neðar í ánni við flugskýlið.
Þessi opnun veit aldeilis á gott og verður spennandi að fylgjast með Leirvogsá á næstunni.
Við eigum laus leyfi á tilboði á næstunni og má finna þau hér: Leirvogsá vefsala.
Veiðikveðja
Jóhann Davíð – jds@lax-a.is