Oft yfirsést mönnum Brynjudalsáin þegar rætt er um gjöfular laxveiðiár, enda leita menn stundum langt yfir skammt. Brynjan er einungis veidd með 2 stöngum og hefur nokkrum sinnum farið yfir 300 laxa á sumri. Framan af sumri er mesta veiðin við fossana tvo og niður að ós, en þegar líður á dreyfist laxinn vel upp á dal og þar er sérlega hentugt að nota fluguna.

Lesa meira

Iðuklettar, hið mikla kennileiti á svæði þrjú í Stóru Laxá, hrundi í gær þegar áin ruddi sig en miklar leysingar hafa verið í ánni undanfarið. Það verður að segjast að mikil eftirsjá verður af þess náttúruundri sem allir sem hafa veitt á Iðu muna eftir. Sjá myndir.

Lesa meira

Miðdalsá í Steingrímsfirði er tveggja stanga á með góðri sjóbleikjuveiði auk þess að laxveiðivon er í ánni en 5000 laxaseiðum var sleppt vorið 2011 sem ættu að skila sér aftur núna í sumar. Með stöngum tveimur fylgir tveggja herbergja 40fm veiðihús og hentar vel fyrir fjölskylduna. Í ánni er leyfilegt að veiða með flugu og maðk. Umhverfi árinnar er rómað fyrir náttúrufegurð og jafnvel hörðustu veiðimönnum þykir ekki minna um það vert en sjálfa veiðina. Lesa meira

Tannastaðatangi, eða Tanginn eins og hann er oftast kallaður, hefur oft verið skemmtilegt veiðisvæði. Veiðin þar hefur stundum farið upp fyrir 200 laxa en er oft í kringum 100 laxa, sem telst ágætt fyrir 2ja stanga svæði. Selurinn hefur átt það til að sýna sig á Tanganum, eins og víðar í Soginu, en heimamenn hafa verið duglegir að ráða niðurlögum þessara óboðnu gesta.

Lesa meira

Hallá á Skaga hefur löngum verið sveiflukennd veiðiá, brugðið var á það ráð í kringum aldamótin síðustu að hætta veiði alfarið um tíma til að freista þess að ná upp laxastofninum í ánni. Eftir að veiði hófst aftur hefur hún verið vaxandi, veiðin hefur farið allt upp í 180 laxa á sumri.

Lesa meira

Það hefur færst í aukanna að veiðimenn hérna heim vilji nýta sér góða staðsetningu Hvannadals- og Langadalsár en það eru einungis 10 mínutna akstur á milli þeirra. Stærri hópar hafa verið að óska eftir að leigja allar stangir í báðum ám og nýta sér þá frábæra aðstöðu sem veiðihúsið í Langadal bíður uppá en alls eru 16 rúm í gistiskálanum auk sér húsi þar sem eldhúsaðstað, borðstofa og setustofa er en einnig er sána og heitur pottur á pallinum. Ef báðar árnar eru teknar eru 5-7 stangir í boði.

Lesa meira

Breytingar verða á veiðifyrirkomulagi í Hvannadalsá á komandi sumri. Sem fyrr verður veitt á tvær stangir til hádegis þann 9. júlí en það sem sem eftir lifir af sumri eru seldar þrjár stangir á svæðið stefan@lax-a.is Lesa meira

Farið er að þrengjast um daga í Syðri Brú í Soginu enda um að ræða góða veiði og frábært veiðihús. Raunar hafa nokkrir veiðimenn haft orð á því að húsið eiginlega of gott, það varla að menn hafi sig úr því og niður að á.

Lesa meira

Á vef Umhverfisráðuneytisins kemur fram að starfshópur, skipaður af Svandísi Svavarsdóttir umhverfisráðherra um verndun og endurreisn svartfuglsstofna, leggi til að friða fimm tegundir sjófugla af svartfuglsætt. Þetta á við allar veiðar og nýtingu næstu fimm árin, þ.m.t. um eggjatínslu. Þessar fimm tegundir svartfugla eru álka, langvía, stuttnefja, lundi og teista. Í skýrslunni leggur starfshópurinn áherslu á að hér við land sé einn stofn af hverri þessara tegunda þannig að staðbundin áhrif og breytingar hafa áhrif á um allt land og á viðkomandi stofn hér við land.

Lesa meira