Blanda svæði 3 getur verið ansi gjöfullt veiðisvæði sérstaklega þegar fer að líða á júlí. Veiðisvæðið er um 20 km af stórum breiðum í gljúfrum og eyrarhyljir neðantil. Svæðið hefur verið mjög vinsælt í gegnum tíðina og sömu menn sækja í að koma ár eftir ár.

IMG_5469

Svæði III: Afmarkast neðst af hugsaðri línu, dreginni frá Svartárbrú að svonefndum Svartabakka að vestan (sjá veiðikort). Efri mörk svæðisins eru um 50m neðan við affall Blönduvirkjunar.

Stangarfjöldi: 3 stangir.Seldur er einn eða fleiri dagar frá hádegi til hádegis nema seldir eru stakir heilir dagar í júní og frá 1. sept.

Tímabil: 20. júní-20 september.

Daglegur veiðitími:

7–13 og 16–22 (10. jún.–20. ág.)

7–13 og 15–21 (21. ág.–10. sept.)

Leyfilegt agn: Fluga, maðkur og spónn.

Hentugustu veiðitæki: Tvíhenda 13-15” fyrir línu 9-11.

Bestu flugur: Gárutúbur, Sunrise Shadow, Munroe Killer og Francis.

Aðgengi: Meirihluti aðgengilegur fólksbílum, sumstaðar þarf jeppa.

Staðhættir og umgengni:  Blanda er mjög vatnsmikil og straumhörð og því hvetjum við veiðimenn til að sýna varkárni og nota björgunarvesti. Fara skal mjög varlega þegar vaðið er í ánni og við hvetjum menn til að meta aðstæður, nota vaðstaf og taka enga áhættu. Veiðimenn eru beðnir um að ganga ávallt vel um svæðið og hirða eftir sig allt rusl.

Kvóti: Þrír laxar á stöng á vakt, ekki er heimilt að færa óveiddann kvóta á milli vakta.Skilja skal eftir einn óveiddan lax af kvóta ef menn vilja veiða áfram og sleppa. Ef kvóta er náð ber að hætta veiði.

L1010952

Veiðihús: ATH NÝTT FYRIKOMULAG FRÁ 2017. Gisting með fullu fæði í hinu glæsilega veiðihúsi Hólahvarfi fylgir með leyfunum . Menn draga um svæði í Hólahvarfi háftíma fyrir upphaf veiða. ATH Seldir eru stakir dagar í júní og september án gistingar á lægra verði.

Veiðikort: Blanda III

Veiðibók: Er staðsett í veiðihúsinu Hólahvarfi. Veiðimönnum er skylt að skrá allan afla daglega.

Vatnsstaða:  Þegar líða tekur á sumarið er árviss viðburður að hækka tekur í Blöndulóni sem nær hámarki þegar vatnsborðið fer að flæða yfir stífluna við lónið. Er þá talað um að Blanda fari á yfirfall. Síðustu ár hefur einnig borið á því að vélar eru keyrðar í virkjun sem getur haft grugg í för með sér. Þegar Blanda fer á yfirfall eða vélar eru keyrðar hækkar yfirborð árinnar nokkuð og litast hún talsvert með þeim afleiðingum að áin verður erfiðari til veiða. Verð veiðileyfa í ágústmánuði tekur mið af þeim möguleika að áin geti hugsanlega orðið illveiðanleg, enda ómögulegt að spá nokkuð fyrirfram um hvort eða hvenær áin fari á yfirfall eða vélar eru keyrðar. Lax-Á getur því ekki borið ábyrgð á ástandi vatnsins þegar veiðimenn eru við ánna. Á undanförnum árum hefur verið mjög misjafnt hvenær áin hefur litast, sumarið 2015 litaðist áin t.a.m. lítið sem ekkert og gerðu margir frábæra veiði það árið langt fram í september.

Bókanir og nánari upplýsingar:

Skrifstofa Lax-á, s: 531 6100,

 


Staðsetning

IMG_5475IMG_5432IMG_5472IMG_5437