Laxveiði í Skotlandi.

Lax-á býður þig velkominn til Dee

Ein af þeim laxveiðiám sem Lax-á býður uppá í Skotlandi er engin önnur en River Dee, ein af fremstu laxveiðiám veraldar. Stangaveiðimenn hafa kastað flugum sínum fyrir laxa í Dee frá því á 17.öld og hefðir og siðir ríkja til þessa dags. Dee er kannski þekktust fyrir sínar stóru göngur tveggja ára vorlaxa, en í engri á á Bretlandseyjum veiðast fleiri slíkir laxar á flugu að vori og er áin ekki hvað síst eftirsótt vegna þessa..

Hér kastar veiðimaður nokkur á hina glæsilegu breiðu, er nefnist Græni Bakki, en það er einstaklega gaman fyrir veiðimenn að kasta með tvíhendu fyrir lax, mikið vatn, þægilegt rennsli, hrein unun..

Í Skotlandi má finna margar af bestu laxveiðiám heimsins og þar erum við einmitt með svæði á okkar snærum. Má þar nefna ár eins og Dee - Tay - Tweed og North Esk og Thurso. Hver myndi ekki vilja veiða í þessum stórkostlegu veiðiperlum þar sem hvert náttúruundrið á eftir öðru umlykur veiðimenn..

Aldagamlir kastalar, stórhýsi með fallegum görðum og lystigarðar eru hluti af náttúrunni og umhverfinu sem veiðimenn veiða í svo það kemur yfir menn mikil ró og almennt næði. Svo má ekki gleyma öllum brugghúsunum sem malla hverja eðal whiskey tegundina á fætur annarri og það er æði gaman að fara þangað í heimsókn, hvort sem er á undan eða eftir veiðiferðinni. Lax-á býður uppá frábæra möguleika í gistingu með góðum heimalöguðum mat og það á fínu verði..

Á öllum svæðunum er reyndir leiðsögumenn á hverju strái tilbúnir í alla þá þjónustu sem til þarf. Oft eru þeir kallaðir bátsmenn (Boatman) en það er tilkomið vegna þess að stundum fer mikill hluti veiðanna fram á báti..

Starf leiðsögumannsins felst í því að sýna veiðimönnum svæðið þegar þið komið, leiðsinna ykkur um góða staði þar sem líklegt er að fiskur taki og svo hvaða flugur, línur og þessháttar á að nota hverju sinni. Leiðsögumaðurinn er ekki endilega með ykkur allan daginn en hann fylgist með og kemur við og við yfir daginn og sér hvernig gengur í veiðinni. Það er mjög mikilvægt að hlusta vel þegar þeir gefa ráð því þau virka vel..

Hér má sjá mynd af Hr. Robert Harper, Vala og Gunnhildur frá Lax-á og Doug en hann er einn af leiðsögumanna teymi Lax-á við Lower Crathes í Dee..

Ohhhh hann var svona stór, er þessi veiðimaður kannski að segja við félaga sinn, allavega miðað við handa hreyfingarnar, en þarna fyrr um daginn hafði hann misst einn risa eftir um klst baráttu..

Leiðsögumenn passa einnig uppá að veiðimenn fari eftir öllum reglum en laxveiðin í Skotlandi er talin vera sem heldri manna íþrótt. Hér má sjá Árna Baldursson sleppa fallegum laxi..

Úhuuu, veðrið gerist varla veiðilegra, hér sjáum við veiðimann renna við frábærar aðstæður, en svona getur veðrið verið seinnipartinn, hrikalega veiðilegt..                          

Það er mikilvægt að þú ráðfærir þig við okkur áður en þú ferð með hvernig búnaður hentar best og þ.h. Einnig um staðarhætti, hvernig á að komast á staðinn og svo framvegis..

Hér má sjá eina af ógleymanlegu stundunum við ánna, það er alveg hreint frábært að slaka á í hádeginu með veiðifélögunum, fá sér léttvínsglas og samloku og það er þarna sem fiskarnir fá endanlega tölu á stærð sína, og augljóslega eru allar sögur sem þarna eru sagðar dagsannar..

Hér má sjá eitt af hótelunum sem eru í boði nálægt okkar veiðisvæði, Banchory Hotel. Þar getur þú fylgst með ánni út um svefnherbergisgluggann þinn og sofnað við þægilegan árniðinn. Á Banchory Hótelinu er boðið uppá mjög góðan skoskan mat og einnig er þar til frábært úrval góðra lettvína..

Hér má sjá Gunnhildi Erlu, dóttir Árna, ásamt Hr. Robert Harper en hann er yfirleiðsögumaður okkar við DEE. Þau eru með vænann, nýgenginn lax tekinn í Gátuhyl(Riddle Pool)..

Allar nánari upplýsingar má nálgast á skrifstofu Lax-á í síma 531 6100 eða í gegnum tölvupóst:

Jóhann Torfi Ólafsson johann@lax-a.is

Harpa Hlin Þórðardóttir harpa@lax-a.is

Árni Baldursson arnibald@lax-a.is

Til baka Senda grein Prenta greinina