Svartá

Sumarið 2010 veiddust 562 laxar!

Svartá er í Svartárdal og rennur í Blöndu í Langadal. Í Svartá er eingöngu veitt með flugu. Veiðisvæðið byrjar við veiðistaðinn Gullkistu en þar rétt ofan er Ármót sem hefur verið aflahæsti veiðistaðurinn í Svartá ár eftir ár. Þar ræður reyndar vatnshæð Blöndu mestu um. Efsti veiðistaður á laxasvæðinu er Hvammsármót sem er suður af bænum Hvammi. Svartá er meðalstór bergvatnsá með 480 ferkm. vatnasvið. Meðalveiði er 293 laxar, minnst árið 1977, 46 laxar en mest 619 árið 1988. Sameiginlegt veiðifélag er með Blöndu og Svartá. Sumarið 2010 veiddust 562 laxar sem er vel yfir meðaltali.

Veiðitími: 1. júlí - 30. september.

Engöngu Fluguveiði

Stangarfjöldi: 4

Skylt er að sleppa öllum stórlaxi - stórlax er lax yfir 70cm að lengd.

Bókanir og nánari upplýsingar:
Stefán Sigurðsson, skrifstofa Lax-á, s: 531 6100 eða stefan@lax-a.is
Netsala smella hér

Veiðisvæði Svartá er yfir 25 km að lengd.

Meðalþyngd laxa er um 8 pund.

Aðeins fjórar stangir eru í ánni.

Svartá er frábær til flotlínu veiði og Portlandsbragðið.

Gott aðgengi er að veiðistöðum, þar sem þjóðvegurinn fram Svartárdal liggur meðfram ánni.

Veiðihúsið er innifalið í veiðileyfinu: Snyrtilegt 5 herbergja hús, þar af er eitt herbergi í aukahúsi. Öll herbergin eru tveggja manna en alls fer vel um 10 manns í húsinu. Góð setustofa og borðstofa er til staðar ásamt heitum potti á verönd. Aðgerðahús og vöðlugeymsla er til staðar í sérhúsi. Í húsinu eru sængur og helsta leirtau fyrir 10 manns og gasgrill á veröndinni.

Hvað þarf að taka með sér: svefnpoka/rúmföt,handklæði, tuskur, viskastykki. 

Sælir veiðimenn slappa af eftir veiðidag. 

Ef veiðimenn kjósa að vera í húsi þar sem boðið er upp á gistingu og fullt fæði
er möguleiki að gista í nýja veiðihúsinu við Blöndu aðeins 13 mínutur í burtu.