Laxasvæði Skjálfandafljóts

Frábær ný viðbót við laxveiðiflóru Lax-á

Loksins er eitt best geymda leyndarmálið í laxveiði á Íslandi komin í opna sölu hér hjá Lax-á. Mikill spenningur er fyrir veiðisvæðinu enda meðalveiði síðastliðin ár upp á rúmlega 600 laxa á sex stangir. Laxveiðisvæði Skjálfandafljóts skiptist í þrjú tveggja stanga veiðisvæði og eru báðar stangirnar seldar saman á hverju svæði fyrir sig frá morgni til kvölds.

Skjálfandafljót er fjórða lengsta á landsins og kemur úr Vonarskarði en rennur svo norður í Skjálfandaflóa. Jökulkvíslar leggjast til þess að sumarlagi undan kögurjöklum Bárðarbungu og gefur það Fljótinu lit. Liturinn í ánni getur verið breytilegur á milli daga en suma daga er betra að veiða á maðk en aðra á flugu.

Veiðihús fylgir sumarið 2012 en það er bóndabærinn Arnórsgerði og er staðsett Vestan meginn við ánna, allveg miðsvæðis. Reglan er að Tvö rúm fylgja hverri seldri stöng á aðal laxasvæðinu en það er engöngu 5 svefnherbergi og ein stofa á efri hæð sem er með tvemur rúmmum. Mönnum sem nota veiðihúsið er skyllt að ganga vel um. Engar sængur eða rúmmföt eru í húsinu svo menn verða að koma með svefnpoka eða annað til að sofa með, Gasgrill er í húsinu og allur helsti borðbúnaður.

Veiðihúsið Arnþórsgerði

Eins og menn vita er Skjálfandafljót jökulá og er náttúran afar stórbrotin og falleg. Hafa ber í huga að áin getur verið hættuleg ef menn fara ekki varlega en Lax-á vill biðja veiðimenn að fara með aðgát á veiðistöðum.

Veiðitölur:

Veiðin í Skjálfandafljóti er hreint frábær og er ótrulegt hve hljótt hefur farið af fréttum af ánni miðað við veiðitölur.

Hér eru veiðitölur eftir vikum frá 18.júní til 15.september

Stærsti hluti veiddra laxa komu á maðk en helsta skýring á því er sú að þeir sem hafa veitt Fljótið síðustu ár hafa verið maðkveiðimenn. Þó er alltaf laxar veiddir á flugu og spún í ánni. Skjálfandafljót gefur á hverju ári allnokkra stórlaxa en algengasta stærðin í fljótinu er frá 2-3kg.

Veiði eftir dögum árið 2011

Hér má sjá veiðikort af Skjálfandafljóti

Laxveiðisvæði Skjálfandafljóts:

Laxveiðihluti árinnar skiptist í þrjú svæði:

Austurbakki Efri - 2 stangir.

Austurbakki Neðri ásamt Grænhyljum að austanverðu - 2 stangir.

Barnafell og Vesturbakki Efri -2 stangir.

Austurbakki Efri - 2 stangir

Keyrt er upp með vaði og lagt á bílastæði við Skipapoll. Þar er bátur og skal róið á honum yfir Skipapollinn og gengið upp Þingey. Svæðamörk ná frá Barnafossi niður að gljúfurmynni.

Eins og alls staðar í Skjálfandafljóti er full þörf á að fara með aðgát á svæðinu.

Sumir veiðistaðir á efri austurbakka eru ekki aðgengilegir og notast skal við kaðla til að styðjast við.

Helstu veiðistaðir: Pálsbreiða, Sandhylur, Grjóthylur, Tótaklöpp, Litla Breiða, Steinabreiða, Fosspollur norðan, Fosspollur sunnan, Ingólfshöfði, Geirahola.

Veiðitími: 7-13 & 16-22. 18. júní til 10. ágúst. 7-13 & 15-21. 11. ágúst til 31. ágúst, 7-13 og 14-20. 1. sept – 15. sept.

Veiðitímabil: 18. júní – 15. september.

Vinsælustu flugur: Frances, Snælda, Sunray Shadow

Veiðivörður: Vésteinn Garðarsson Vaði s: 4643198

Nauðsynlegt er að fara varlega þegar kemur að því að vaða í Skjálfandafljóti

Skylt er að skrá allan afla. Veiðibók verður staðsett í mjólkurhúsinu á Vaði 2.

Austurbakki Neðri ásamt Grænhyljum að austanverðu - 2 stangir

Keyrt er upp með vaði og lagt á bílastæði við Skipapoll. Þar er bátur sem menn geta notað til þess að komast yfir, veiða útfollin og í kringum Ullarfoss.

Veiðisvæðið nær frá gljúfurkjafti að austanverðu og niður undir landamerkjagirðingu neðst í Fossselsskógi.

Helstu veiðistaðir: Stóri og Litli Grænhylur að austan, Gosselskvísl, Skipapollur, Skipapollsútföll

Veiðitími: 7-13 & 16-22. 18 júní til 10 ágúst. 7-13 & 15-21. 11 ágúst til 31 ágúst, 7-13 og 14-20. 1sept -15  sept.

Veiðitímabil: 18 júní – 15 september.

Vinsælustu flugur: Frances, Snælda, Sunray Shadow

Veiðivörður: Vésteinn Garðarsson Vaði s: 4643198

Nauðsynlegt er að fara varlega þegar kemur að því að vaða í Skjálfandafljóti.

Athugið eingöngu er leyfilegt að veiða frá landi stóra og litla grænhyl.

Skylt er að skrá allan afla. Veiðibók verður staðsett í mjólkurhúsinu á Vaði 2.

Barnafell og Vesturbakki Efri -2 stangir

Veiðisvæðið nær frá Barnafossi vestanmegin og niður fyrir votulágarpolla á vesturbakka.

Til þess að komast að Barnafelli er keyrt inn afleggjara að Fremstafelli, alla leið þar til vegur endar við Barnafoss. Það getur verið hættulegt að ganga niður í Barnafell og eru veiðimenn beðnir um að fara með aðgát.

Til þess að komast að vesturbakka efri er keyrt inn í Ystafellsskóg og keyrt alla leið að sumarhúsi sem er staðsett þar. Þar er bílastæði og menn ganga þaðan.

Aðgengi er hættulegt í Barnafelli og ber að fara með aðgát. Talsvert er hægt að vaða á vesturbakkanum og menn beðnir um að fara varlega við ánna.

Þegar menn veiða litla og stóra grænhyl er eingöngu heimild til þess að veiða vestan megin eða út í miðja á.

Veiðitilhögun: Þegar veitt er með 2 stöngum í Barnafelli er einungis leyft að veiða með 2 stöngum í 6 klst í Barnafelli og 6 klst á vesturbakkanum. Hins vegar sé veitt með einni stöng má veiða 12 klst á hvorum stað.

Helstu veiðistaðir: Barnafellsbreiða, Syðri & Ytri Fellsselspollar, Stóri Grænhylur vestan megin, Litli Grænhylur vestan megin.

Veiðitími: 7-13 & 16-22. 18 júní til 10 ágúst. 7-13 & 15-21. 11. ágúst til 31. ágúst, 7-13 og 14-20. 1. sept -15. sept.

Veiðitímabil: 18 júní – 15 september.

Veiðivörður: Vésteinn Garðarsson Vaði s: 4643198

Bestu flugur: Frances, Snælda, Sunray Shadow

Nauðsynlegt er að fara varlega þegar kemur að því að vaða í Skjálfandafljóti.

Skylt er að skrá allan afla. Veiðibók verður staðsett á bílastæði við barnafell og í kassa við girðingu í Fellsskógi