Hvannadalsá

Í Hvannadalsá sumarið 2012 má veiða á flugu, maðk og spún frá opnun 21.júní til hádegis 1. ágúst. Frá og með hádegi 1.ágúst má eingöngu veiða á flugu. Hvannadalsá hefur verið að gefa nokkuð magn af stórlaxi síðustu ár og viljum við hvetja veiðimenn að fara sparlega með prestinn á þá.

Á undanförnum árum hafa verið öflugar sleppingar gönguseiða í Hvannadalsá sem hafa lyft henni í hóp áhugaverðari 2-3 stanga laxveiðiáa landsins.

Hvannadalsá rennur í Ísafjarðardjúp samhliða Langadalsá og eiga þær sameiginlegt ósasvæði. Veiðisvæði Hvannadalsár er frekar stutt upp að Stekkjarfossi en áin er mun vatnsmeiri og straumþyngri í samanburði við systur sína Langadalsá.

Frá Djúpafossi.

Frá Árdalsfljóti, einum gjöfulasta veiðistað Hvannadalsár.

Horft niður ána frá brúnni.

Frá Réttarhyl.

Hvanndalsá er kjörin til að nota Portlands bragðið " Riffling Hitch "

Frá Imbufljóti.

Það er okkur mikil ánægja að bjóða þennan kost í flóru okkar, því ljóst er að þeir um svæðið hafa farið hafa horft löngunaraugum til ánnar sem er í um 350 kílómetra vegalengd frá Reykjavík.

Kvöldsól við Árdalsfljót.

Staðsetning: Ísafjarðardjúp, um 350 km frá Reykjavík. Hólmavík er í um 40. mín akstursfjarlægð.

Veiðisvæði: Geysifallegt. Hvannadalsá öll að Stekkjarfossi. Á ósasvæðinu má fá góða sjóbleikjuveiði í kringum sjávarföll.

Stangarfjöldi: 3 stangir

Holl/dagar: Seldir eru 2 eða 3 dagar í senn.

Frá seiða sleppingum.

Hvannadalsá er blá tær og hækt að sjá laxinn í mörgum hyljum, en fara verður varlega, laxinn er styggur í þessu tæra vatni.

Tímabil: 21. júní til 22. september.

Daglegur veiðitími:
7–13 og 16–22 (20. jún. – 20. ág.)
7–13 og 15–21 (21. ág. – 20. sept.)

Leyfilegt agn: Engöngu fluguveiði

Skylt er að sleppa öllum stórlaxi - stórlax er lax yfir 70cm að lengd.

Veiðitæki: Einhenda, lína 7-9.

Veiði 2007: 176 laxar

Veiði 2008: 327 laxar

Veiði 2009: lokatölur vantar

Veiði 2010: 465 laxar

Bestu flugur: Gárutúbur, Frances, Microtúbur og Collie Dog.

Staðhættir og aðgengi: Gangur er að efstu veiðistöðum.

Veiðihús: Veiðihúsið sm notað var við Langadalsá fylgir núna Hvannadalsá. Húsið er lítið með 4 herbergjum sem í eru efri og neðri koja. Aðgerðarhús er sér og það er rúmgott og nóg pláss fyrir veiðibúnað.

Leiðarlýsing í veiðihúsið: Húsið er staðsett í Langadal en þangað eru um 50km frá Hólmavík. Frá Hólmavík er ekinn vegur  nr 61 og skilti vísar á Ísafjörð.  Ekið er yfir Steingrímsfjarðarheiði þangð til komið er að skilti merktu með veganúmeri 635 á hægri hönd.  Farið er framhjá þessu skilti og ekið nokkra metra áfram og þá er upplýsingastopp (bílaplan með bekk og upplýsingaskilti) á vinstri hönd.  Næsti afleggjari þar við er malarvegurinn inn í Langadal.   Þessi malarvegur er ekinn inn dalinn og framhjá nokkrum sumarhúsum á vinstri hönd og eftir 4 km er veiðihúsið við Langadalsá staðsett á hægri hönd en til að komast í Hvannardalsárhúsið er ekið framhjá Langadalsárhúsinu og um 2 km lengra og þá er Hvannadalsrárhúsið á vinstri hönd, hvítt að lit.  Ekki þarf að fara yfir brúna yfir Langadalsá til að fara í Hvannadalsárhúsið.

Umgegnisreglur: Veiðimenn mega koma í húsið 1 klst fyrir veiðitíma og skal húsið rýmt einni klst eftir að veiðitíma líkur. Munið að ræsta og hreinsa rusl.

Allur aðbúnaður er til staðar í húsinu.

Veiðikort: Fáanlegt á www.agn.is

Veiðibók: Er í veiðihúsinu.

Bókanir og nánari upplýsingar:
Stefán Sigurðsson, skrifstofa Lax-á, s: 531 6100 eða stefan@lax-a.is

Netsala smella hér

SKOÐIÐ FLEIRI MYNDIR AF ÁNNI UNDIR MYNDAALBÚM EFST Á SÍÐUNNI

Til baka Senda grein Prenta greinina