Komdu að veiða Sauðnaut með Lax-á í Grænlandi

Við bjóðum upp á tvennskonar veiðiferðir á Sauðnaut til Grænlands fyrir tímabilið 2011. Annarsvegar að sumarlagi og þá á suður Grænlandi við Ivigtut.  Hinsvegar að vetrarlagi og þá á vesturströndinni í námunda við Kangerlussuag. Veiðitíminn er í seinnipart Júlí og fram í Ágúst en í Mars yfir veturinn.

Framboð veiðileyfa er ekki mikið og þar sem margir sækja í þessa óvenjulegu skotveiði ættu menn að sjá að sér og hafa samband sem allra fyrst. Að skjóta Sauðnaut er ógleymanleg stund og frábær skemmtun, settu þig í samband strax.

Veiðileyfið er fyrir eitt dýr og undantekningarlítið eða -laust þá næst dýrið. Þá nýta margir tækifærið til að skreyta Grænlandsferðina með allskonar útúr snúningum en auðvelt er að komast í frábæra silungsveiði í nágrenninu og margir leggjast auk þess einfaldlega í gönguferðir og útsýnisferðir enda landslag og náttúra þarna með þeim hætti að orð fá því tæpast lýst..

Þegar veiðimenn fara til Veiða í Grænlandi eru þeir að setja sig í spor frumbyggja þessa ósnortna lands og upplifa frumstæða menningu sem og aðstæður. Eins og menn vita þá fóru Víkingar forðum eins og Eiríkur Rauði og Leifur heppni á þessar slóðir..

Hægt er að sjá frá ferðum þeirra í Bröttuhlíð, hvar og hvernig þeir bjuggu en Árni Jónssen Þingmaður kom þar af stað kynningar verkefni sem þúsundir ferðamanna heimsækja ár hvert..

Veiðiferðirnar eru tvennskonar, annarsvegar gisting í svefnpoka plássum nú eða fulla ferð áfram með allri þjónustu og þá er gist í hinu geysi skemmtilega bæjarfélagi Qaqartoq, eða Juliennehob.  Þar er öll þjónusta til staðar, góðir veitingastaðir og skemmtilegt líf..

Má þar nefna fisk markaðinn þar sem má fá allskonar ferskar afurðir úr sjónum, skinnaverksmiðjuna við höfnina og svo hina klassísku túristaverslun, tourist kontor en þar er gott að versla sér minjagripi úr afurðum villtrar náttúru Grænlands..

Ferðin hefst á flugferð frá Reykjavík til Grænlands, þar eru veiðimenn sóttir og þeim keyrt niður á höfn þar sem þeir hitta fyrir bátinn sem þeir nota alla ferðina en alla daganna er ferðast á bát með reyndum skipstjóra og leiðsögumanni.  Frá flugvellinum er um 6 klst sjóferð til Ivigtut þar sem veiðin fer fram..

Gott er að nota tímann um borð að skoða sig vel um nú og eða hvíla sig eftir flugið. Veiðin fer svo fram næsta dag, og ekki er aftur snúið fyrr en búið er að fella öll dýrin sem átti að ná. það er ávallt 100% árangur á Sauðnautaveiðum.. 

Það er gott að undirbúa sig vel fyrir svona ferð og því er ekki úr vegi að setja sig í samband sem fyrst við okkur hér á skrifstofunni og fá upplýsingar um túrinn. Veðurfarið er svipað og á Íslandi, en mun stórbrotnari náttúra, allt fullt af ísjökum í kring og eiginlega frekar frumstæðar aðstæður..

Það er bráðnauðsynlegt að lifa sig alla leið inn í veiðina eins og sjá má á meðfylgjandi myndum, bera dýrið sjálfur niður úr fjalli á herðunum og fá sér vænan bita af Sauðnauta "sashimi" úr lifrinni og snæða afganginn steiktan á pönnu í brúnni sósu. þá er nauðsynlegt að hafa með sér fleyg af Íslensku Brennivíni til að skola góðmetinu niður að ógleymdum bjórnum..

Og það sama gildir um vetrarveiðitúrana og sumartúranna, að framboð veiðileyfa er ekki mikið og stundum komast færri að en vilja og því er rétt að hafa í huga að hafa samband við okkur hér á skrifstofunni fyrr heldur en seinna..

Þetta er magnaður veiðiskapur í stórkostlegu umhverfi og ekki á hverjum degi sem svona veiðiferð stendur mönnum til boða..

Allar frekari upplýsingar eru að fá á skrifstofu Lax-á hjá..

Axel Óskarsson  axelo@lax-a.is

sími:  531-6100

Árni Baldursson  arnibald@lax-a.is

sími: 531 6100

Til baka Senda grein Prenta greinina