Komdu að veiða Hreindýr á Grænlandi með Lax-á

Grænland er sannkölluð veiðiparadís og hefur Lax-á nú tryggt sér einkarétt á hreindýraveiði á suðvesturströnd Grænlands til næstu 20 ára. Veiðisvæðið er gríðarlega stórt, dýrin dreyfast á um 500 ferkílómetra svæði og fylgir stangveiði í ám og vötnum með. Hreindýrakvótinn okkar er allt að 300 dýr á sumri og mikið er af stórum og fallegum törfum á svæðinu. Flogið er frá Reykjavík til Narsassuaq en þaðan er veiðimenn fluttir sjóleiðis í veiðibúðir okkar.

^{Hér má sjá nýjar veiðibúðirLax-á - fyrstu varanlegu veiðibúðir á Grænlandi}

Sumarið 2012 reisti Lax-á glæsilegar veiðibúðir á miðju veiðisvæði okkar. Búðirnar samanstanda af 12 svefnskálum, Matarskála og eldhúsi, salernis og strutuhúsum, bryggju og svo mætti áfram telja. Þetta eru fyrstu veiðimannabúðir af þessum toga í Grænlandi og var vandað vel til verka. Leiðsögumenn og bátar eru til taks í búðunum og flytja veiðimenn á milli eyja og fjarða, bæði til skot- og stangveiða.

Veiðimenn geta síðan tekið með sér kjöt tilbaka að fengnu leyfi frá Sjávarútvegs- og Landbúnaðarráðuneytinu og uppfylltum skilyrðum Tollyfirvalda og mun Lax-á annast milligöngu um það sé eftir því óskað. Fyrir hvert dýr fá veiðimenn 10 kíló af besta kjötinu (læri, lundir og hryggvöðvar), stimplað og vottað – tilbúið til innflutning til Íslands. Taka skal fram að veiðimenn þurfa að tollafgreiða 7kg og borga af þeim gjöld.

Veiðimöguleikar á Grænlandi eru gríðarmiklir, fyrir utan hreindýrin má nefna sauðnaut, seli, æðarfugla ásamt bleikjuveiði og strandveiði. Upplagt er fyrir veiðimenn að grípa í veiðistöngina þegar hreindýraveiði er lokið dag hvern, það er aldrei langt í næsta frábæra hyl. Vaxandi áhugi er fyrir bogveiði hérlendis, en því miður eru slíkar veiðar ekki leyfðar á Íslandi – á Grænlandi hefur bogveiði einnig verið bönnuð en fyrir þjóðþingi liggur nú frumvarp sem heimilar bogveiði, vonir standa til að frumvarið fari í gegn veturinn 2012-2013. Mikið af gljúfrum, klettum og gjótum sem nota má sem felustaði eða laumast að bráð.

Á þessum stóru veiðilendum okkar eru óteljandi ár og vötn sem hreinlega fyllast af bleikju yfir sumartímann. Bleikjan byrjar að safnast í árósana í byrjun júlí og um miðjan mánuðinn byrjar hún að ganga upp í árnar. Besta veiðin er jafnan í ám sem tengja vötnin við sjó og í vötnunum sjálfum en einnig getur verið fantagóð veiði meðfram strandlengjunni allri.

Veiðimenn sjá um sig sjálfir að miklu leyti í Grænlandi, elda sér sjálfir mat og koma með sína eigin svefnpoka/sængur og sængurföt. Gera má ráð fyrir því að uppistaðan í hráefni til matargerðar verði fengin á staðnum (bleikja, sjávarfang) en ráðlegt er að taka með sér einhverjar vistir frá Narsaq/Qaqortoq. Á staðnum er þó e-ð meðlæti sem veiðimenn hafa aðgang að (hrísgrjón, kartöflur o.s.frv.) Leiðsögumenn og bátar verða að sjáfsögðu á staðnum og leiðsegja mönnum í skotveiðinni og flytja á milli staða.

Hafið samband við sölumenn Lax-á til að fá frekari upplýsingar.

Stefán Páll Ágústsson - spall@lax-a.is

sími: 531 6100

Til baka Senda grein Prenta greinina