Æðarfugls skotveiði
Æðarfugls skotveiði
Hafið þið ekki rennt hýru auga til æðarfugla þegar þið eruð á svartfugli? Vitaskuld er æðurinn of verðmætur til að hann megi veiða hér á landi, en Grænlendingar líta öðru vísi á málið og að okkar mati er um frábærlega skemmtilega skotveiði að ræða.
Við bjóðum upp á sex daga ferðir í febrúar, mars og apríl á Isortoq í Suður Grænlandi, á veiðislóðum Stefáns Magnússonar hreindýrabónda. Alls er veitt fjóra daga af umræddum sex. Þetta er mikil ævintýraferð og má búast við 5 til 10 fugla afla á degi hverjum. Auk þess er möguleiki á því að skjóta æðarkóng og hávellu.
Ef íslenskir skotveiðimenn hafa áhuga af nýlundu af þessu tagi er heppilegast að þeir hafi samband við okkur á skrifstofu Lax-á og munum við veita greinargóð svör um kostnað, aðbúnað og hvað er innifalið í verði og hvað ekki. Enn fremur allar upplýsingar er varða innflutning skotvopna til og frá Grænlandi.
Eitt er víst, að skotveiðiferð í vetrarríkið á Grænlandi er eitthvað sem seint líður úr minni.
Allar frekari upplýsingar eru að fá á skrifstofu Lax-á,
Árni Baldursson sími 531 6100, tölvupóstur arnibald@lax-a.is
