Komdu með Lax-á á framandi slóðir - Villt og óspillt náttúra Grænlands

Lax-á býður upp á marga kosti í til veiða í Grænlandi, t.d. má þar nefna hina sívinsælu bleikjuveiði í öllum regnbogans litum. Við bjóðum upp á marga spennandi valkosti í Suður Grænlandi, fjöldann allan af vötnum og ám sem gríðarlega spennandi er að veiða í. Einnig veiðist vel í sjónum þegar þurrkar steðja að en veiðimenn fara oft að veiða þorsk sér til skemmtunar með bleikjuveiðinni..

Hreindýra veiðar eru stórkostleg skemmtun og ef eitthvað er mun skemmtilegri en hér heima á klakanum. Mikið er af dýrum á Grænlandi og veiðisvæðið annsi spennandi. Farið er til veiða á bátum og svo er læðst að dýrunum þegar búið er að finna þau frá sjó.  Dýrin eru stór og falleg, gaman er að eiga stund með frændum vorum á kvöldin og kynnast siðum þeirra og háttum. Skoðaðu fleiri upplýsingar undir hreindýr hér til hliðar..

Sauðnauts veiðar eru sennilega hvað mest spennandi, og þó, dæmi hver fyrir sig með það.  Þau geta verið frá 315 kg til 480 kg, sem sagt engin smásmíði og það er óborganlegt að fá að taka þátt í slíkum veiðum.  Farið er á bát á veiðarnar og leitað frá sjó en svo tekur skemmtilegur og spennandi feluleikur við..

En þar þurfa veiðimenn að tjalda öllu sínu besta til og komast í skotfæri, í lok dags snæða menn svo Sauðnauts lifur "sashimi" og steikja líka á pönnu með brúnni sósu, þá getur verið gott að eiga til pela af Íslensku Brennivíni og skála að víkingasið..

Grænland er stórfenglegt land og náttúran þar lætur engan ósnortin. Þó að Grænland sé okkar nágranni og stutt á milli, þá er ásjóna landsins vægt til orða tekið ólík. Það gerir helst, að ríkjandi bergtegundir eru ekki gamla forna blágrýtið eins og á Vest- og Austfjörðum, og móberg í miðjunni, heldur ákveðnar tegundir djúpbergs eins og gabbró, granófýr og granít. Fjöll úr djúpbergi eru tindóttari, skarpari og oft hærri en gömlu þéttu og reglulegu blágrýtirfjöllin sem við þekkjum..

Á einum stað hér á landi hafa menn þó smjörþef af þessu, en það er í nágrenni Hafnar í Hornafirði þar sem Eystra og Vestara Horn setja svip sinn á nánasta umhverfið. Þetta gerir umhverfi Grænlands svo tröllslegt sem raun ber vitni. Þá er sjórinn ómengaður, grænn og blár og djúpur, menn sigla innan um ísjaka, hlíðar dalanna eru kjarri vaxnar og dalbotnar umvafðir eyrarrós og öðru blómskrúði. Alger paradís..

Allur aðbúnaður á Grænlandi er til fyrirmyndar og auðvitað pínulítið hrár en öll aðstaða er mjög góð.  Matur er framandi, svolítið danskur fílingur en skilar manni ávallt söddum og glöðum í koju.  Við bjóðum uppá mismunandi gistimöguleika eða allt frá gistiskálum þar sem menn sjá um sig sjálfir upp í fínustu aðstöðu á hóteli með öllu inniföldu.. 

Lítið er um vegi á Grænlandi svo allt ferðasnið er á bátum sem taka 4-6 pers, því er gott að miða stærð hópa við það.  Leigubílar ganga allan sólarhringinn í þorpunum en þeir eru álíka dýrir og samsvarandi þjónusta í stórborgum Evrópu..

Veðurfar getur verið misjafnt en á veiðitíma sem er frá miðjum Júlí fram í miðjan september er yfirleitt gott hitastig og temprað veðurfar.  Það er samt ávallt gott að hafa með sér meira af fatnaði heldur en minna og erfitt getur reynst að verða sér út um slíkt þegar komið er á veiðislóð.  Öll verð á Grænlandi er í dýrari kantinum á fatnaði, mat, drykkjum, gistingu og áfengi..

Gott símasamband fyrir Gsm kerfi er  til staðar í þorpunum flestum en lítið er um tölvusamband svo ef þú þarft að vera tengdur á meðan dvöl þinni stendur þá er gott að láta okkur vita af því fyrirfram..

Allar frekari upplýsingar eru að fá á skrifstofu Lax-á.. Góða ferð..

Axel Óskarsson  axelo@lax-a.is

Tel: 531-6100

Árni  Baldursson  arni@lax-a.is

Tel: 531-6100