Helstu fréttir
Vatnasvæði vikunar á www.agn.is er Blanda sv1 og víðidalsá silungasvæði
Svæði I í Blöndu og silungasvæði Víðidalsár eru veiðisvæði vikunnar þessa vikuna á www.agn.is Í boði eru fyrstu dagarnir í júní á fínu verði. Þær eru ekki margar árnar sem státa af betra stórlaxahlutfalli en Blanda og oftar en ekki stendur stærsti hluti veiðinnar saman af tveggja ára fiski á þessum tíma sumarsins.
Eins og sjá má á fréttum hér að neðan frá því í byrjun sumars þá byrjaði veiðin vel í Blöndu og vonandi að svo verði einnig á komandi sumri.
Athugið að gistiskylda er við Blöndu en gisting og fæði er ekki innifalið í verði.
Áhugasamir geta skoðað laus leyfi í Blöndu sv 1 og á silungasvæði Víðidalsár á www.agn.is
Laxinn mættur í Blöndu
Hann er mættur laxinn í Blöndu, Jón Aðalsteinn Sæbjörnsson leiðsögumaður á Blönduósi fór á stúfana í morgun og kíkti á helstu staðina á sv 1 í Blöndu. Núna þessa stundina liggur einn ca 10 punda í Damminum sunnanverðum neðarlega á grynningunum, sem sagt á besta tökustað. Einnig lá einn lax í Holunni fyrir ofan Dammin að sunnanverðu ca 8 pund. Það er efritt að skyggna Breiðuna núna en það er töluvert vatn svo það eru engar fréttir frá henni.. Blanda opnar 5. júní, aðeins eftir örfáa daga, við eigum lausar stangir í hollunum 7-9 júní, 9-11 júní og 11-13 júní á góðu verði.
08.06.2008
14 laxar í opnunarholli
Opnunarhollið í Blöndu endaði í 14 löxum. Mikil ferð var á laxinum í Blöndu og voru sex laxar gengnir upp laxastigann í gærkvöldi. Einnig lágu fimm til viðbótar á Spítalanum, en Spítalinn er staður rétt neðan laxastiga þar sem allar veiðar eru bannaðar. Laxinn liggur þar gjarnan stutta stund áður en hann leggur í stigann. Vatnið í Blöndu hefur minnkað talsvert síðasta sólarhringinn og gönguskilyrðin því orðin betri að sögn Stefáns Sigurðssonar, en hann hafði gert fína veiði í opnunarhollinu.
.JPG)
.jpg)
