Helstu fréttir
Ýmsar fréttir
Nú er veiði byrjuð í Laugardalsá, fyrsta hollið kom til veiða í morgun og bíðum við frétta frá þeim, Blanda, Straumarnir og Ferjukotseyrar eru allar að komast í gang. Veiðimenn sem voru í Blöndu í gær settu í 2 fiska og sáu 3, það byrjar hægt í Blöndu en fall er faraheill og vonumst við til þess að laxarnir séu að fara að hella sér inn með auknum straumi, það er stórstreymt 16 júní og má búast við að göngur fari að byrja núna þegar 3-4 dagar eru í stórstreymið. Mikið hefur sést af sel við ósinn í Blöndu og veitir það bara á gott, það er að laxinn sé að mæta, selurinn er auðvita ekkert fagnaðarefni en Vignir meindýraeyðir á Blönduósi er við selveiðar og gefur hann laxveiðimönnunum ekkert eftir. Reyndar hafa háhyrningar sést líka við ósinn sem eru á selaveiðum, því er kominn mikill og skemmtilegur fæðuhringur í Blöndu, háhyrningar að veiða sel, selur að veiða lax, og maður að veiða lax og sel reyndar líka. Enginn er nú á háhyrningsveiðum enda er það víst bannað.
Lítið hefur fréttst úr Straumunum og Ferjukotseyrum en okkar maður er að fara í Straumana í dag og frétta að vænta þaðan vona bráðar. Það sama á við um Ferjukotseyrar við höfum ekkert frétt en erum að vinna í að ná í veiðimenn sem hafa verið þar við veiðar. Það seinasta sem heyrðist var á sunnudaginn þar sem menn sáu lax en náðu ekki á land. Einhverjir hafa verið við veiðar í Tungufljóti á silungasvæðinu og sett í bolta urriða enda eru þeir í yfirstærð þarna í Biskupstungum. Þetta er það sem er að frétta í bili, en við erum alltaf á vatkinni og komum með fréttir von bráðar úr Blöndu, Laugardalsá, Ferjukotseyrum og Straumunum
kv, Arnar
.JPG)
.jpg)
