Við erum byrjuð að bóka Río Grande 2006

7.8.2005

Árið 2004 opnaði sérhannað og glæsilegt veiðihús við veiðisvæðið Toon Ken. Það er staðsett á fallegum útsýnisstað rétt ofan við veiðisvæðið. Við hönnun hússins var mikil áhersla var lögð á þarfir veiðimanna og öll þægindi. Í veiðihúsinu er fluguhnýtingaraðstaða, vöðlugeymsla, setu- og borðstofa, bar, heitur pottur og skjólsæl verönd. Öll herbergin eru með sérbaðherbergi og er internet tenging í húsinu fyrir þá sem þurfa á slíku að halda í veiðiferðum.

Veiðimenn okkar í Toon Ken, Rio Grande 2004 og 2005 eru á einu máli um að nýja veiðihúsið fái hæstu mögulegu einkunn, hvað varðar góðan mat, ljúft starfsfólk, góð og hentug húsakynni.

Alls eru 7 stangir leyfðar í Toon Ken.  

Þið getið rétt ímyndað ykkur hvað þetta var GAMAN!!!

Toon Ken veiðisvæðið nær yfir efra og miðsvæði árinnar Rio Grande alls 20 km svæði, veitt er frá báðum bökkunum.  Rio Grande er auðveld yfirferðar og að vaða þar sem botninn er grýttur.  Þrátt fyrir það reyniri mikið á tækni og getu veiðimanna.  Sá stóri getur verið dintóttur og látið hafa fyrir sér.  Aðra stundina getur hann tekið niður við botninn en þá næstu komið stökkvani á þurrflugu í yfirborðinu!

Auk þess getur vatnsmagn árinnar breyst á stuttum tíma í kjölfar rigninga/þurrka.  Allar aðstæður hvetja veiðimanninn til að sýna hvað í honum býr og sýna tilbreytingu hvað tækni og flugur varðar!  Þá verður honum launað erfiðið !

Kiddi Gunn og Gunni Norðdal skemmtu sér vel..... og Árni fékk þann stóra 27 pund!!

Auður var fengsæl og kát með sinn feng - og sömuleiðis Andreas frá Sviss!

Sjóbirtingurinn í Rio Grande liggur yfirleitt nálægt bakkanum yfir miðjan daginn en ef vatnsyfirborðið er lágt kjósa þeir fremur hraðara vatn við enda veiðistaðanna.  Eins og venja er ferðast þeir mest snemma morguns, síðdegis og í ljósaskiptunum.

Leiðsögumenn okkar í Toon Ken eru margreyndir leiðsögu- og veiðimenn.  Þeir eru mjög kunnugir ánni og dyntum þess stóra og því um að gera að nýta þekkingu þeirra til hins ítrasta.  Leiðsögumennirnir hjálpa svo til við að löndun og sleppingu.

Oftast er veitt með flotlínu og þurrflugum.

Aðallega veiðist þarna hin margrómaði RISA sjóbirtingur af meðalvikt 12 pund! En menn geta þó alltaf átt von á að setja í þann stóra, allt frá 24-30+ pund!!!  Auk þess veiðast þarna urriði og regnbogasilungur.

Framlengja ferðina?? Það eru margir spennandi kostir í boði, skotveiðar á dúfum, öndum eða gæsum í Cordoba og Buenos Aries - 3 dagar á sérkjörum fyrir þá sem taka viku á Rio Grande. Einnig er hægt að fara í Dorado veiði til Corrientes eða á stórdýraveiðar um alla Argentínu t.d. Red Stag, Buffalo, Puma ofl. ofl.

Við getum með ánægju haldið myndasýningar fyrir áhugasama á skrifstofu Lax-á eða hitt hópa sem eru í veiðiferð í veiðihúsunum okkar í sumar.  Boðið er upp á eðal rauðvín frá Argentínu á meðan á sýningu stendur. Þið getið einnig fengið fría geisladiska hér á skrifstofunni sem lýsa ævintýrinu.

Til baka Senda grein Prenta greinina