Helstu fréttir
Afmælistilboð - Hallá og Tannastaðatangi
Við höldum áfram með afmælistilboðin okkar og í dag eru það Hallá og Tannastaðatanginn sem boðið er uppá.
Hallá
Hallá hefur verið sveiflukennd undanfarin ár, veiðitölur hafa sveiflast frá undir 100 löxum og upp í nálega 200 laxa. Í meðalári er veiðin oft í kringum 100 laxana. Mest veiðist í Kjalarlandsfossum og þar fyrir neðan en einnig eru góðir hyljir uppi á dal sem vert er að gefa gaum.
Uppi á dal má finna margar bugður sem þessa
Eins og svo gjarnt er með litlar ár þá er hún viðkvæm fyrir langvarandi þurrkum, en uppi á dal eru miklir mýrarflóar sem halda vatni vel – hafi snjóalög verið sæmileg yfir veturinn. Verði sumarið ekki þeim mun þurrara og heitara má búast við því að vatnsstaða verði með besta móti.
Tannastaðatanginn
Þetta er fornfrægur veiðistaður og þekktur fyrir stóra laxa. Þetta er líka skemmtilegur kostur vegna nálægðar við höfuðborgarsvæðið. Tannastaðatangi er þekktastur fyrir laxveiðina og hún fer þar batnandi er líður á sumar og framundir haust.
Maðkur, spúnn og fluga fara vel á Tanganum
Þó er alltaf veiðivon fyrr og vel mættu veiðimenn athuga, að ofarlega á svæðinu er oft skemmtileg bleikjuveiði bæði á vorin og framan af sumri. Þar er á ferðinni þessi landsþekkta stórbleikja sem Sogið er þekkt fyrir.
Sem fyrr má nálgast þessi tilboð á www.agn.is en einnig má hringja á skrifstofu Lax-á í s: 531-6100
.JPG)
.jpg)
