Helstu fréttir
Afmælistilboð - dagur 3
Krossá í Bitrufirði
Krossá er lítil 2 stanga á laxveiðiá sem gefur að jafnaði í kringum 100 laxa á sumri, en best hefur hún gefið 160 laxa sumarið 2010. Veiðisvæðið er 8km a lengd með 22 merktum veiðistöðum. Áin er blátær og hægt að sjá laxinn í mörgum hyljum og er nauðsynlegt að fara varlega að veiðistöðum þar sem laxinn er styggur í þessu litla tæra vatni.
Ágætis veiðihús fylgir Krossá sem er með 2 svefnherbergjum og tveimur svefnloftum auk þess að gasgrill er á staðnum og öll helstu eldhúsáhöld ásamt ískáp, eldhúshellum ofl.
Í Krossá er leyfilegtað veiða með flugu og maðk frá 1. júli til 20. júlí og er hámarkskvóti 2 laxar per stöng per dag, eftir það má eingöngu veiða og sleppa noti menn flugu. Eftir 20. júlí er eingöngu leyfilegt að veiða með flugu og daglegur kvóti áfram 2 laxar á dag. Einnig eru veiðimenn beðnir um að sleppa öllum stórlaxi.
Tímabilin sem eru á tilboði í Krossá ná frá 30.júní til 15.júlí og aftur 15.-21. september.
Hólsá - Vesturbakki
Eftir að Eystri og Ytri Rangá renna saman kallast þær Hólsá þar sem þær renna sameiginlega til sjávar. Eins og gefur að skilja gengur gríðarlegur fjöldi laxa um svæðið, enda Rangárnar trónað á toppi lista yfir flesta veidda laxa á undanförnum árum. Veiðin í Hólsá getur því verið ævintýraleg þegar menn hitta á stóru göngurnar.
Fjórar stangir veiða svæðið og eru þær seldar í tveimur 2ja stanga pökkum. Ágætt hús fylgir með veiðileyfum. Í húsinu eru fjögur 2ja manna svefnherbergi og deila stangirnar með sér húsinu.
Tímabilin sem eru á tilboði í Hólsá ná frá 24.júní-3.júlí og 10.-20. september.
Áhugasamir geta skoðað lausa daga hér á söluvef okkar Agn.is en sem fyrr má einnig hafa samband við skrifstofu Lax-á í s: 531-6100 til að nýta sér þessi tilboð.
.JPG)
.jpg)
