Nokkrar staðreyndir um netaveiðar og stangaveiðar í Ölfusá og Hvítá frá árinu 1973 til 2011. Á þessum árum hafa rúmir 20 netaveiðibændur veitt í net 206.707 Laxa. Það gerir meira en 620 tonn af villtum laxi. Á sama tíma hafa verið veiddir 71.373 laxar á stöng.

Það eru um 260 aðilar í veiðifélagi Árnesinga að mér skilst. Auðlindin skiptist þannig: um rúmir 20 netaveiðibændur hafa tekið um 75 % af öllum veiddum laxi á þessu tímabili. 240 aðrir landeigendur skipta með sér restinni af auðlindinni eða um 25%. Laxinn á heimkynni sín í uppám Árnessýslu og er á leið sinni á hrygningarstöðvarnar þegar megnið af göngunum er tekið í net. Hvernig má það vera að skiptingunni á þessari verðmætu auðlind er hagað svona, ætti þetta ekki akkúrat að vera á hinn veginn, að þaðan sem laxinn er uppruninn þar ætti hann að verða að verðmætum. Deildir innan Veiðifélags Árnesinga og leigutakar i uppám Árnesýslu setja kvóta á veidda laxa og er skylda að sleppa öllum laxi sem mælist lengri en 70 cm sem og eru veiðimenn beðnir um að þyrma sem mestu af smærri laxinum líka.

Veiðifélag Árnesinga sækir sitt rekstrarfé til landeiganda með þeim hætti að félagið tekur til sín 10 daga á veiðitímabilinu sem landeigendur/leigutakar kaupa svo af þeim tilbaka. Það fé sem fæst frá landeigendum/leigutökum leggst beint í sjóði VÁ. Netabændur kaupa ekki sína daga tilbaka, áin rennur fyrir landi þeirra og netin eru uppi á meðan. Rekstri félagsins er alfarið haldið uppi af stangveiðibændum. Framlag netabænda, að taka netin upp í 10 daga um miðjan ágúst, gagnast engum. Laxagöngur eru að miklu leyti búnar á þessum tíma og félagið fær ekkert í sjóði sína frá þeim. Það sætir mikilli furðu að netaveiðibændur sem veiða 75% af heildarveiðinni leggi engan pening til félagsins. Til að netaupptaka í 10 daga hefði áhrif þyrfti að taka netin upp á göngutíma laxins sem er frá seinnipart júní til fyrstu viku í Ágúst að öllu jöfnu.

Blanda fór á yfirfalli þann 10 ágúst síðastliðin og hefur áin verið talsvert lituð og bólgin síðan þá. Undanfarið hefur rennslið minnkað töluvert og liturinn batnað, það bendir einnig ýmislegt annað til þess að áin geti farið af yfirfalli á næstunni.

Lesa meira

Svartá í A-Hún hefur verið með rólegasta móti í sumar, eins og svo margar aðrar ár, en hefur þó aðeins verið að gefa að undanförnu. Frá sunnudagseftirmiðdegi og fram til hádegis í dag komu 8 laxar á land og misstu menn aðra 2, mest líf var í Ármótum, Brúnarhyl og Rafstreng. Þessi veiði þykir nokkuð góð miðað við að kuldakast var fyrir norðan um helgina.

Lesa meira

Rólegt hefur verið yfir veiðinni í ánum við Ísafjarðarardjúp, Laugardalsá er með um 140 laxa, Langadalsá með um 120 laxa og Hvannadalsá með um 80 laxa samkvæmt síðustu fréttum. Einhverra hluta vegna hafa veiðitölur þaðan ekki ratað inn á borð til Landssambands Veiðifélaga sem birta vikulega veiðitölur á vef sínum eins og þekkt er.

Lesa meira

Við viljum minna veiðimenn á að nú er breyttur veiðitími í öllum okkar ám. Nú er veitt frá 7:00 til 13:00 og síðdegisvaktin er frá 15:00 til 21:00.

Casper Siven leiðsögumaður var við Galtalæk í vikunni og tók upp myndband af lifríkinu í ánni. Galtalækur er þekktur fyrir stóra urriða en á myndbandinu sjást nokkrir góðir fiskar en vel sést að það er nóg af lífi í þessari skemmtilegu urriðaá.

Flott veiði er enn í Ytri Rangá og braut áin 2.000 laxa múrinn síðasta laugardag og er núna að komast í 2200 laxa. Ytri er fyrsta áin til að ná 2000 löxum þetta sumarið. Ekki eru margar ár sem eru líklegar til að enda með yfir 2.000 laxa veiði í sumar.

Eystri Rangá mun að sjálfsögðu einnig komast yfir þann múr en þar gekk veiðin hægt um helgina eftir að áin litaðist í rigningunum. Það má þó reikna með að líf verði í tuskunum þegar áin hreinsar sig.

Lesa meira

Við heyrðum frá okkar mönnum í Eystri Rangá í dag en gærdagurinn var sá besti hingað til í ánni en alls komu 98 laxar á land. Um mark um veiðina sem er í ánni gaf svæði sex 36 laxa á einni vakt, en fyrir þá sem ekki þekkja eru það sex tímar.

Svo virðist sem líf bærist í Tungufljóti í Biskupstungum en undandfarna 3 daga hafa laxar verið að koma á land þrátt fyrir mjög litla ástundun.

Svæði 3 í Stóru Laxá hefur einnig verið að gefa að undanförnu, komnir 4 laxar á síðustu 2 dögum úr Heljarþrem og Járnhyl (eða rétt ofan hans). En Katlarnir hafa líka gefið laxa í júlí.

Svæði 4 í Stóru Laxá hefur einnig gefið góð skot, þar komu 6 laxar á land síðustu helgi á 2 stangir. Það holl hafði þann háttinn á að labba niður alla ána og var árangurinn nokkuð góður.

Lesa meira

Gærdagurinn var mjög góður í Eystri Rangá, alls komu 80 laxar upp og voru komnir a.m.k. 50 laxar í morgun og átti þá eftir að bóka af nokkrum svæðum. Það stefnir í harða keppni á milli þeirra systra Ytri og Eystri.

Eins og gjarnt er þá er veiðist misjanflega mikið á hverju svæði, en öll svæði eru þó að gefa laxa.

Lesa meira

Ytri Ranga gaf 86 laxa á land í gær en það er besti dagur sumarsins hingað til. Ytri hefur verið að fara úr 60 löxum á dag fyrir helgi og farið stigvaxandi síðan um helgina. Nú er bara að vona að veiðin haldi áfram að rísa og við sjáum fyrsta 100 laxa daginn fljótlega.