Veiði í Hvannadalsá í Djúpi hefur verið mjög stígandi frá því landeigendur og Lax-á bundust saman höndum um að rækta hana upp. Mest veiddist árið 2010 en þá komu upp hartnær 470 laxar. Veiðin á síðasta sumri olli hinsvegar vonbrigðum í Hvannadalnum, eins og svo víða annarsstaðar.

Lesa meira

Kæra veiðiáhugafólk.

Okkur hjá Lax-á langar til þess að þakka fyrir góðar kveðjur og frábærar 25 ára afmælisviðtökur síðustu tvær vikur. Það er gaman hversu margir hafa nýtt sér afmælistilboðin okkar stefan@lax-a.is

Lesa meira

Nú þegar eru nokkrir gámar á leið til Grænlands frá Íslandi og aðrir fjórir á leiðinni frá Eistlandi til Quaqartoq í Grænlandi. Allt er þetta eftir áætlun en stefnt er á að veiðibúðirnar verði tilbúnar 18. júlí. Þetta verða alvöru búðir sem saman standa af 16 húsum, af þeim eru eitt baðhús með heitu og köldu vatni, salernisaðstaða og sturtur og mataraðstaða undir þaki. Veiðibúðirnar verða staðsettar í villtri náttúru Grænlands og á besta stað fyrir bæði hreindýra og bleikjuveiði.

Í dag eru ekki nema rétt rúmar 3 vikur í að laxveiðin hefjist formlega, en 5 júní opnar Blanda og spenningur farinn að gera vart við sig. Ferjukotseyrar opna reyndar 1 júní – en alla jafna er miðað við opnun Blöndu sem upphaf tímabilsins.

Skjálfandafljótið opnar síðan 18 júní og Víðidalsá og Ytri Rangá opna báðar þann 24 júní ásamt vesturbakka Hólsár.

Vitanlega eru fleiri ár sem opna í júní, s.s. Laugardalsá (15 jún), Langadalsá og Hvannadalsá (21 jún), Hallá (21 júní) og Tannastaðatangi og Syðri Brú í Sogi (28 júní).

Aðrar ár opna svo í byrjun júlí.

Lesa meira

Sjöundi í afmæli og að þessu sinni eru áhugaverðir dagar í boði í Ytri Rangá. Tilboðin gilda í 25 stundir, frá klukkan 12:00 á hádegi í dag og fram til klukkan 13:00 á morgun. Veiðar hefjast í Ytri Rangá þann 24. júní í sumar líkt og undanfarin ár. Veitt er frá morgni til kvölds í Ytri frá opnun og fram til 10 júlí, þegar veiðihúsið opnar.

Lax-á heldur áfram afmælisgleðinni en í dag bjóðum við á tilboði áhugaverða daga í Hróarslæk og Miðdalsá í Steingrímsfirði. Tilboðin gilda í 25 stundir, frá klukkan 12:00 á hádegi í dag og fram til klukkan 13:00 á morgun. Tilboð gærdagsins, í Laugardalsá og Ferjukotseyrum er enn í gildi til kl 13:00 í dag.

Fimmti í afmæli og að þessu sinni eru áhugaverðir dagar í boði á Laugardalsá og á Ferjukotseyrum. Tilboðin gilda í 25 stundir, frá klukkan 12:00 á hádegi í dag og fram til klukkan 13:00 á morgun. Tilboð gærdagsins, á Tannastaðatanga og í Halla eru enn í gildi og verða það í eina klukkustund til viðbótar.

Lesa meira

Við höldum áfram með afmælistilboðin okkar og í dag eru það Hallá og Tannastaðatanginn sem boðið er uppá.

Lesa meira

Nýlega kom í sölu aftur tveggja daga holl á svæði 4 í Blöndu á frábærum tíma, 15 til 17 júlí. Það komast vanalega færri að en vilja á þetta rómaða svæði og má því búast við því að þetta fari fljótt.

Leyfðar eru 3 stangir á svæðinu og fylgir veiðihús með leyfum.

Lesa meira

Við höldum áfram með tilboð í tilefni af 25 ára afmæli Lax-á í dag með afmælistilboð í Krossá í Bitrufirði og Vesturbakka Hólsa. Frekari upplýsingar um Krossá og Hólsá má finna hér í fréttinni.

Við minnum á að tilboðin gilda í 25 stundir, frá klukkan 12:00 á hádegi í dag og fram til klukkan 13:00 á morgun.

Við höldum áfram með tilboð í tilefni af 25 ára afmæli Lax-á og eru þau ekki af verri endanum í dag. Annars vegar erum við með tvo daga á svæði 1 í Blöndu og hins vegar daga í Hvannadalsá, bæði í upphafi tímabils sem og þegar fer að halla undir lok sumars.

Við minnum á að tilboðin gilda í 25 stundir, frá klukkan 12:00 á hádegi í dag og fram til klukkan 13:00 á morgun. Tilboð gærdagsins, sem hefur verið mjög vel tekið, er því enn í gildi en því lýkur eftir núna kl 13:00, eftir tæpa klukkustund.

Lesa meira

Ekki þarf langorða kynningu á Eystri Rangá fyrir áhugafólk um stangveiði, enda hefur hún verið önnur af aflahæstu laxveiðiám landsins í hartnær áratug.

Eystri Rangá er tiltölulega vatnsmikil á og á margan hátt frábrugðin öðrum ám í sama stærðarflokki. Ekki er miklir fossar eða brot á laxasvæðinu en þeim mun meira af góðum breiðum og álum.

Gríðarleg veiði hefur verið í Eystri á undanförnum árum, allt frá 4300 löxum og upp í 7500 laxa og áin vinsæl hjá veiðimönnum eftir því.

Lesa meira

Galtalækur getur verið með allra skemmtilegustu silungsveiðiám hér á landi, en krefjandi er hann. Eins og nafnið gefur til kynna er þetta ekki stór á en merkilega vatnsmikil miðað við stærð.

Fátítt er að menn verði ekki varir við fisk í Galta, en einnig er það algengt að fiskar verði varir við veiðimenn og þá verður eftirleikurinn erfiðari. Helstu veiðistaðir eru uppi við ræsið (efst á veiðisvæðinu) og svo hylirnir í kringum Steinbogann, þar eru alltaf fiskar og margir vænir. Ekki er óalgengt að sjá fiska sem ná tveggja stafa tölu í þyngd, en sá stærsti þetta árið er um 8,5 pund.

Lesa meira

Við eigum gott holl laust í Laugardalsá í júní, 17 til 19 júní – en stórsteymt er þann 21. Áhrifa stórstreymis ætti því vera farið að gæta á þessum dögum. Á þessum tíma eru einungis tvær stangir í ánni og eru þetta því áhugaverðir dagar.

Laxin gegnur mun fyrr í Laugardalsá en flestar aðrar ár og júní hefur oft skilað góðum slatta af laxi í bókina, þó ekki sé endilega hægt að gera ráð fyrir mokveiði.

Lesa meira

Um þessar mundir eru 25 ár síðan Lax-á ehf. Var stofnað. Það var byrjað smátt í litlum bílskúr í Hafnarfirði en Lax-á flutti í skrifstofuhúsið sitt árið 2002. Síðan þá hefur mikið vatn runnið til sjávar. Í dag býður Lax-á upp á fjölmörg stangveiðisvæði, auk þess að Lax-á hefur einnig fikrað sig inn á svið skotveiðinnar. Veiðisvæðin sem fyrirtækið hefur á sínum snærum hér á landi telja nú vel á þriðja tugin, auk þess að bjóða upp á veiðileyfi víða erlendis, líkt og í Skotlandi, Rússlandi, Grænlandi, Noregi, Argentínu og svo mætti lengi telja.

Í dag er Lax-á ehf. á meðal stærri fyrirtækja landsins á sviði ferðaþjónustu og skapar fyrirtækið á annan tug starfa árið um kring en enn fleiri eru í árstíðabundnum störfum við leiðsögumennsku, akstur, þjónustu í veiðihúsum sem og almennum skrifstofustörfum.

Lesa meira

Ég var að renna í gegnum sölukerfið hjá okkur og rakst á nokkur mjög áhugaverð holl í ám sem eru án þjónustu á besta tíma. Endilega kíkið á þessar dagsetningar.

Blanda sv 4. 15-17 júlí, stefan@lax-a.is

Lesa meira

Rétt í þessu voru að forfallast 2 stangir í opnuninni í Blöndu sv 1, nánara 5-7 júní. Þessi opnun er með þeim betri en oftast nær höfum við verið að fá á bilinu 10-20 stórlaxa á 4 stangir. stefan@lax-a.is

Lesa meira

Við vorum að fá inn til okkar 1 stöng á svæði 1 í Blöndu dagana 24 - 26 júní, rétt á eftir stórstreyminu. Þetta eru afar góðir dagar og á þessum tíma byrjar smálaxinn að hellast inn samhliða stórlaxinum.

Stórstreymt er 21 júlí í sumar og eigum við lausa daga í keingum þessa dagsetningu í Krossá í Bitrufirði.

Eins og svo margar 2ja stanga ár hefur hún verið viðkvæm fyrir þurrkum en vatnabúskapur lítur nokkuð vel út fyrir næsta sumar og má því búast við talsverðu fjöri í kringum þennan stórstreymisdag. Einungis má veiða með flugu eftir 20 júlí og er kvóti á dagstöngina 2 laxar, stórlaxi skal þó sleppt.

Lesa meira

Stefán Páll og Jóhann starfsmenn Lax-á verða við í Ellingsen á morgun laugardag 14. apríl milli 11:30 og 16 að kynna veiðisvæði Lax-á. Við verðum með tilboðstangir á nokkrum veiðisvæðum okkar í sumar. Endilega kíkið við í spjall og kynnið ykkur svæðin fyrir sumarið.

Nú þegar páskafríið er að skella á fer veiðihugur í stangveiðimenn en á eftirtöldum svæðum getur þú svalað veiðiþorstanum yfir páskana.

Við fengum um daginn senda flottar myndir úr skjálfandafljóti, en félagskapur sem kallar sig Bíttuá helvítið þitt sendu okkur þessar skemmtulegu myndir, Hér má glöggt sjá hvað það er flott við Skjálfandafljót. stefan@lax-a.is

Lesa meira

Nú er alveg að renna upp sá tími að stangveiðitímabilið hefjist aftur og opna fyrst árnar þann 1 apríl. Hjá okkur opnar Galtalækurinn og silungasvæðið í Tungufljóti, Tannastaðatangi í Sogi og síðan opnar Blanda þann 15 apríl. Brúará fyrir landi Spóastaða er sem áður í sölu hjá agninu.

Við eigum nokkra afbragðsgóða daga lausa í Hróarslæk í sumar, helst ber þar að nefna hollið 31.7 – 03.8 en mánaðarmótin júlí/ágúst hafa jafnan gefið best í Hróanum. Eins og við sögðum frá í síðustu viku þá verður skipt um veiðihús við Hróarslæk og mun húsið að Selalæk þjóna sem veiðihús héðan í frá, en verið að er að mubla það upp þessa dagana.

Lesa meira

Eins og á undanförnum árum verður boðið upp á vorveiði í Blöndu frá 15 apríl til 15 maí. Veiðisvæðið nær yfir svæði 2, 3 og 4 – en svæði 1 er undanskilið eins og verið hefur.

Ekki er í boði hús með veiðinni – en fjölmargir gistimöguleikar eru allmargir á svæðinu, þ.m.t. veiðihúsið við Svartá.

Lesa meira

Nú er orið ljóst að breyting verður á veiðihúsamálum í Hróarslæk fyrir næsta sumar. Veiðihúsið sem hefur þjónað Hróanum undanfarin var selt einkaaðila og tókust ekki samningar um leigu fyrir sumarið.

Í stað þess verður gamli bærinn á Selalæk nýttur sem veiðihús fyrir Hróann. Selalækur er neðarlega við ánna, nálægt ósnum, og er því á góðum stað. Í húsinu eru 4 svefnherbergi og svefnpláss fyrir 10 manns.

Lesa meira

Silungasvæði Tungufljóts opnar núna 1. apríl en um er að ræða stórt og krefjandi svæði. Þekktustu veiðistaðir á svæðinu eru ármót Laugá og Almenningsár og ármót Beiná og Almenningsár, en þær eru litlar hliðarár sem renna í Almenningsá sem rennur svo í Tungufljótið. Svo er það Tungufljótið sjálft en flestir veiða ármót Tungufljóts og Almenningsáar og niður úr. Eins og áður segir eru þetta þekktustu veiðistaðirnir en svæðið er stórt og getur fiskur leynst víða. Því er þörf á að fara vel yfir ána þegar veitt er.

Eftir góðar viðtökur við fyrstu pakkaferðunum til Grænlands í lok júlí höfum við ákveðið að bjóða uppá fleiri ferðir seinnipart ágúst, þá 3 nátta ferð frá 18 til 21. ágúst og svo 4 nátta ferð frá 21-25. ágúst. Innifalið í ferðunum er flug fram og til baka, skot- og stangveiðileyfi, gisting í nýjum veiðibúðum Lax-á, bátsferðir frá flugvelli og til baka auk bátsferða á veiðislóðir, leiðsögumenn alla ferðina, umsýsla flutnings skotvopna, umsýsla vegna kjötinnflutnings auk 20 kg af bestu vöðvum af hreindýri, vottað, stimplað og fryst.

Galtalækur opnar 1. apríl næstkomandi og er tilvalinn fyrir óþolinmóða veiðimenn að skreppa í en áin er staðsett rúmum klukkutíma frá frá Reykjavík. Stórir urriðar hafa veiðst í Galtalæk en þar sem áin er lítil og viðkvæm getur verið erfitt að fá þá til að taka því mælum við með að fara rólega þegar nálgast á ána. Möguleiki er á gistingu í Heklubyggð sem er í 15-20 mínútu fjarlægð frá áni. Frekari upplýsingar fást á skrifstofu Lax-á í síma 531-6100 eða á söluvef okkar agn.is.

Næsta laugardag, 10. Mars, verða Riffildagar haldnir í Ellingsen en Lax-á mun kynna hreindýraveiði í Grænlandi og nýtt gæsasvæði sitt í Gunnarsholti á Rangárvöllum. Verslunin opnar kl 10:00 til 16:00 og verða starfsmenn Lax-á við allan daginn og svara spurningum áhugasamra veiðimanna. Sjáumst á laugardaginn.

Eins og svo margir veiðimenn eru við hjá Lax-á spennt fyrir komandi veiðitímabili sem byrjar nú 1.apríl. Lax-á býður uppá nokkur svæði sem opna á vormánuðum en það eru Galtalækur, silungasvæði Tungufljóts, Brúará og Tannastaðatangi í Soginu. Vorveiðin í Blöndu (öll áin fyrir utan svæði.1) opnar svo 15. apríl.

Svartá í Austur Húnavatnssýslu er ein allra skemmtilegasta fluguveiðiá sem fyrirfinnst. Hratt rennsli er í ánni uppi á dal en hægist á henni þegar neðar dregur. Fjölbreytni veiðistaða er mikil, gljúfur með tilheyrandi flúðum og iðum, hratt rennandi steinabreiður og lygnir hyljir eru þarna nánast hlið við hlið. Talsverður stígandi hefur verið í veiðinni í Svartá undanfarin ár þó síðasta sumar hafi verið í meðallagi. Ekki skemmir að veiðihúsið hefur verið endurnýjað að talsverðu leyti, eldhúsið var tekið í gegn í fyrra og baðherbergið fær sömu yfirhalningu núna í vor

Við höfum birt allnokkrar fréttir af hreindýraveiðinni í Grænlandi og fengið góðar viðtökur. En Grænland býður upp á meira en bara hreindýrin, bleikjuveiðin þar er þekkt um allan heim.

Við fengum sendar myndir af bleikjuslóðum á suðvesturströndinni, þar sem við verðum með starfsemi okkar. Það er ekki laust við að hjartað hafi tekið kipp af spenningi við að sjá þessar myndir

Lesa meira

Eigum lausar stangir á góðum veiðitíma í júlí, nánar tiltekið 5.-6. júlí í Eystri og Ytri Rangá. Í byrjun mánaðarins er lax byrjaður að ganga í meira magni en 5. júlí er stórstreymisdagur og því frábær tími til að nýta sér laxagönguna. Tilvalið að skreppa í tvo daga rétt áður en veiðihúsið opnar og fá veiðileyfi á góðum prís með mjög góðri laxavon. Frekari upplýsingar eru að finna á skrifstofu Lax-á eða á johann@lax-a.is

Það var að losna holl frá 13 til 16 júlí í Laugardalsá í Ísafjarðardjúpi. Áin er þekkt fyrir að lax gengur fyrr í ánna en almennar laxveiðiár og því er um besta tíma að ræða í ánni. Þrjár stangir eru seldar saman og fylgir hús með stöngunum. Veiðihúsið er rúmgott 7 manna hús með 3 herbergjum og í einu þeirra eru 3 rúm en í hinum tveimur eru tvö rúm í hvoru. Blástursofn, eldavél og öll helstu eldhúsáhöld, verönd með grilli. Aðgerðaraðstaða er í sérhúsi og fín aðstaða þar.

Krossá í Bitru var í ágætu meðallagi síðasta sumar, lokatalan stóð nálægt 80 löxum sem er vel viðunandi miðað við árferðið. Sumarið 2010 endaði hún í um 180 löxum og ljóst að hún á nokkuð inni miðað við síðasta sumar.

Veiðihúsið er látlaust og snyrtilegt, með 2 svefnherbergjum, og kyrrðin mikil í dalnum. Fram eftir júlímánuði má veiða á maðk og flugu en eftir 20 júlí er eingöngu fluga, kvóti á dagstöngina eru 2 laxar.

Lesa meira

Færst hefur í vöxt á undanförnum árum að Langadalsá og Hvannadalsá séu bókaðar saman fyrir stærri hópa. Hægt er að koma allt að 8 stöngum í báðar árnar og húsið við Langadalsá getur hýst 16 manns.

Lesa meira

Við hjá Lax-á getum útvegað skot-og stangveiðimönnum sem hafa áhuga á hreindýra- og silungsveiði á Grænlandi flug til Narsasuaq fyrir 85 þúsund krónur fram og til baka. Allar bókanir þurfa að fara í gegnum skrifstofu Lax-á. Frekari upplýsingar er að finna á skrifstofu Lax-á eða á johann@lax-a.is

Lax-á ehf og eigendur hreindýrahjarða hafa nú undirritað samning sín á milli um einkarétt á hreindýraveiði í nágrenni við Qaersuarssuk á suðvesturströnd Grænlands til 20 ára. Veiðisvæðið spannar um 400 ferkílómetra og um er að ræða einu hreindýrahjörðina í þessum landshluta. Veiðimenn á vegum Lax-á hafa heimild til að fella allt að 300 dýr árlega. Svæðið er mjög stórt og dreyfast dýrin niður á margar eyjar, dali og firði sem auðvelt er að nálgast og jafnframt tryggir það að ekki sé of mikið veiðiálag á hverjum hreindýrahóp fyrir sig. Mikið er af stórum og fallegum törfum enda er Grænland þekkt fyrir „trophy“ tarfa.

Svartá í Austur Húnavatnssýslu opnar að morgni 1 júlí og búast má við því að sá silfraði verði mættur þá, enda laxinn snemmgengur á vatnasvæðinu. Þó svo að Svartá sé vanalega sterkust í ágúst þá er júlímánuður oft drjúgur. Opnunardaginn í fyrra veiddust 3 stórlaxar og árið þar á undan var svipað uppi á teningnum ef minnið svíkur okkur ekki.

Sú breyting að leyfa maðkinn aftur í júlí í Hvannadalsá hefur mæst nokkuð vel fyrir og hafa júlídagarnir nánast selt upp í framhaldi af því.

Við eigum hollið 9 – 11 júlí á lausu og einni daga á tímabilinu 13 – 18 júlí, stórstreymið fellur á 5 og 21 júlí.

Lesa meira

Fyrri stórstreymisdagur í júlí er 5. júlí næsta sumar og eigum við nokkur holl víðsvegar um landið í kringum þennan straum.

Lesa meira

Við eigum helgina 27 til 29 júlí lausa í Langadalsá á Vestfjörðum en 4 stangir eru seldar á þessum tíma. Eru þetta einu stangirnar sem eftir eru í júlí í Langadal. Langadalsáin hefur verið að skila á milli 250-350 löxum á hverju sumri en hæst fór hún 2004 í 444 laxa. Frábært veiðihús fylgir stöngunum en svefnaðstað er fyrir 16 manns í sér gistihúsi en eldhús og setustofa eru fráskilin gistirýminu.

Tungufljót í Biskupstungum hefur verið góð viðbót við laxveiðiflóru landsmanna á undanförnum árum. Veiðin hefur jafnan verið góð, jafnvel frábær, en þó var síðasta sumar lélegt eins og svo víða annarsstaðar. Meðalveiði áranna 2008 til 2010 er 1580 laxar á aðeins 4 til 6 stangir, sem er með því allra besta sem gerist. Veiðistaðir eins og Faxi og Hólmabreiða að ógleymdum Laxhyl í gljúfrinu hafa raðað sér á lista með bestu veiðistöðum landsins frá árinu 2008.

Lesa meira

Krossá bættist við veiðiflóru okkar fyrir 2 árum síðan og hefur verið mjög vinsæl síðan. Verði á veiðileyfum er stillt í mjög í hóf en á móti kemur að góðrar umgengni er krafist við ána. Eftir 20 júlí er eingöngu leyfilegt að veiða á flugu og 2ja laxa kvóti er á stöng á dag allt tímabilið.

Oft yfirsést mönnum Brynjudalsáin þegar rætt er um gjöfular laxveiðiár, enda leita menn stundum langt yfir skammt. Brynjan er einungis veidd með 2 stöngum og hefur nokkrum sinnum farið yfir 300 laxa á sumri. Framan af sumri er mesta veiðin við fossana tvo og niður að ós, en þegar líður á dreyfist laxinn vel upp á dal og þar er sérlega hentugt að nota fluguna.

Lesa meira

Iðuklettar, hið mikla kennileiti á svæði þrjú í Stóru Laxá, hrundi í gær þegar áin ruddi sig en miklar leysingar hafa verið í ánni undanfarið. Það verður að segjast að mikil eftirsjá verður af þess náttúruundri sem allir sem hafa veitt á Iðu muna eftir. Sjá myndir.

Tannastaðatangi, eða Tanginn eins og hann er oftast kallaður, hefur oft verið skemmtilegt veiðisvæði. Veiðin þar hefur stundum farið upp fyrir 200 laxa en er oft í kringum 100 laxa, sem telst ágætt fyrir 2ja stanga svæði. Selurinn hefur átt það til að sýna sig á Tanganum, eins og víðar í Soginu, en heimamenn hafa verið duglegir að ráða niðurlögum þessara óboðnu gesta.

Hallá á Skaga hefur löngum verið sveiflukennd veiðiá, brugðið var á það ráð í kringum aldamótin síðustu að hætta veiði alfarið um tíma til að freista þess að ná upp laxastofninum í ánni. Eftir að veiði hófst aftur hefur hún verið vaxandi, veiðin hefur farið allt upp í 180 laxa á sumri.

Það hefur færst í aukanna að veiðimenn hérna heim vilji nýta sér góða staðsetningu Hvannadals- og Langadalsár en það eru einungis 10 mínutna akstur á milli þeirra. Stærri hópar hafa verið að óska eftir að leigja allar stangir í báðum ám og nýta sér þá frábæra aðstöðu sem veiðihúsið í Langadal bíður uppá en alls eru 16 rúm í gistiskálanum auk sér húsi þar sem eldhúsaðstað, borðstofa og setustofa er en einnig er sána og heitur pottur á pallinum. Ef báðar árnar eru teknar eru 5-7 stangir í boði.

Farið er að þrengjast um daga í Syðri Brú í Soginu enda um að ræða góða veiði og frábært veiðihús. Raunar hafa nokkrir veiðimenn haft orð á því að húsið eiginlega of gott, það varla að menn hafi sig úr því og niður að á.

Lesa meira

Á vef Umhverfisráðuneytisins kemur fram að starfshópur, skipaður af Svandísi Svavarsdóttir umhverfisráðherra um verndun og endurreisn svartfuglsstofna, leggi til að friða fimm tegundir sjófugla af svartfuglsætt. Þetta á við allar veiðar og nýtingu næstu fimm árin, þ.m.t. um eggjatínslu. Þessar fimm tegundir svartfugla eru álka, langvía, stuttnefja, lundi og teista. Í skýrslunni leggur starfshópurinn áherslu á að hér við land sé einn stofn af hverri þessara tegunda þannig að staðbundin áhrif og breytingar hafa áhrif á um allt land og á viðkomandi stofn hér við land.

Starfsfólk Lax-á vill óska öllum viðskiptavinum gleðilegt nýtt ár og takk fyrir viðskiptin á liðnu ári. Sumarið 2011 var nokkuð gott veiðiár og allflestir fengu fína veiði. stefan@lax-a.is

Lesa meira