Við minnum á að á morgun verða dregnir út vinningar í Gjafabréfaleik Lax-á og www.agn.is

Meðal vinninga eru veiðileyfi í Ytri Rangá (12 júlí) og Eystri Rangá (4 júlí), veiði í Galtalæk og ársáskrift að Sportveiðiblaðinu.

Allir sem keypt hafa gjafabréf frá tímabilinu 15.11 til morgundagsins eru með í pottinum.

Við munum síðan hafa samband við vinningshafa eftir hádegið á morgun – þannig að það er um að gera að hafa kveikt á símanum.

Lesa meira

Næsta sumar verður þriðja sumarið sem Krossá verður á okkar snærum og óhætt að segja að reynslan sé nokkuð góð það sem af er. Í sumar sem leið skilaði áin 76 löxum á sínar tvær stangir en í fyrra voru þeir eitthvað yfir 160.

Áin er lítil og nett og á það til að verða full lítil í mestu þurrkasumrum en hún getur gefið þeim sem fara varlega að henni feykigóða veiði.

Lesa meira

Laugardalsá er við Ísafjarðardjúp er ein allra besta á landsins, sérstaklega snemmsumars. Oft hefur hún skilað 180 – 300 löxum í júlí á 3 stangir, ekki geta margar ár státað af slíkri veiði. Oft hefur ágústmánuður einnig verið góður en áin lokar 1 september ár hvert.

Lesa meira

Við vekjum athygli á því að Brynjudalsá er komin í vefsölu á www.agn .is og því hægt að bóka daga fyrir næsta sumar

Brynjan hefur verið algerlega mögnuð undanfarin ár, 250 (2010) – 325 (2009) og 300 (2011) laxar á land á tvær stangir. Leyfilegt er að veiða á flugu og maðk í ánni, en ekkert veiðihús fylgir með leyfum – enda eru leyfi seld frá morgni til kvölds.

Lesa meira

Kæru veiðimenn

Undirbúningur er nú í fullum gangi fyrir næsta sumar og hefur salan farið vel af stað. Margar af okkar vinsælustu ám eru nú þegar orðnar vel bókaðar og má þar nefna Blöndu, Stóru Laxá, Langadalsá, Eystri Rangá og Ytri Rangá. Nóg er þó enn í boði en veiðimenn ættu að setja sig í samband við skriftofu Lax-á stefan@lax-a.is

Lesa meira

Svæði 4 í Stóru laxá hefur löngum verið talið sterkast snemmsumars, í lok júní og byrjun júlí. Í gegnum árin hefur snemmgengni stórlaxastofninn gengið í ána í júní og júlí og fljótt verið komin upp á efsta svæðið. Oft hafa fyrstu dagarnir veri ðáhugaverðir á svæði 4 í Stóru og gjarnan verið eftirsóttustu dagarnir á svæðinu.

Langadalsá er staðsett í botni Ísafjarðardjúps, um 350 km frá Reykjavík og 30 mín akstur frá Hólmavík. Veiðisvæðið nær yfir 18km með 37 merktum veiðistöðum en eingöngu er leyfilegt að veiða með flugu. Veiðin hefur verið á milli 250 og 350 laxar síðastliðin fimm ár en sumarið í fyrra gaf 263 laxa. Á veiðisvæðinu eru þrjár stangir seldar fyrripart sumars, eða til 12 júlí, en eftir það eru fjórar stangir eru seldar í ánni. Frábært veiðihús fylgir ánni...

Gjafabréfin frá Lax-á henta vel í pakka veiðimannsins. Öllum bréfum fylgir skemmtilegur glaðningur sem hægt er að láta fylgja í pakkann. Með 5.000,-kr bréfum fylgir t.a.m. derhúfa merkt Lax-á. Með 10.000,-kr bréfum bætast 2 laxaflugur í pakkann og í verðflokkum þar fyrir ofan fylgir einnig dagur í silungsveiði í Tungufljóti eða Ytri Rangá. Þessu til viðbótar fá fimm heppnir viðskiptavinir fría áskrift að Sportveiðiblaðinu í eitt ár. Allir sem keypt hafa gjafabréf á tímabilinu frá 15. nóvember til 21. desember verða í pottinum. Sportveiðiblaðið er eitt helsta og glæsilegasta málgagn stangveiðimanna og er gefið út þrisvar á ári.

Tungufljót í Biskupstungum var mjög skrýtið í sumar, heildarveiðin í fljótinu var ekki mjög merkileg en ástundun hefur einnig oft verið meiri. Oft var útlit fyrir að veiðin væri að lifna, dæmi eru um að 1 stöng hafi veitt 13 laxa á vakt í sumar, en veiðin dofnaði jafnharðan aftur. Ekki vitum við hvað þessu veldur, en talsvert af laxi gekk í stigann í október eftir að veiðum var hætt þannig að ekki er loku fyrir það skotið að laxinn hafi einfaldlega verið svona seinn fyrir í sumar. Í öllu falli höldum við ótrauð áfram með ræktunarstarfið í fljótinu, enda benda rannsóknir til að hluti afla komi úr náttúrulegu klaki sem átt hefur sér stað ofan Faxa. Það er ekki á vísan að róa í hafbeitarám fremur en öðrum ám, léleg veiði í sumar gefur engar vísbendingar um næsta sumar.

Grein um Stóru Laxá eftir þýska veiðimanninn Mawill Lüdenbach hefur verið birt í þýska veiðiblaðinu Scale Fly & Spin Fishing. Mawill og félagi hans Eric Cullin komu hér í heimsókn í byrjun september og veiddu í fjóra daga í Stór Laxá. Eins og fram kemur í greininni fengu félagarnir frábæra veiði en Mawill náði meðal annars að landa tíu löxum á sex tímum, eitthvað sem hann hefur aldrei náð. Hægt er að lesa greinina og blaðið hér.

Jólastemning ríkir hjá okkur í Lax-á og ætlum við í tilefni hátíðarinnar að halda Jóla-happadrætti í desember. Allir þeir sem kaupa Jóla-gjafabréf fara sjálfkrafa í pott sem dregið er um veglega vinninga á hverjum fimmtudegi í desember og á milli jóla og nýárs. Á fimmtudögum er dregið út árs áskrift að Sportveiðiblaðinu en milli jóla og nýárs verða dregnir út stærri og veglegri vinningar.

Fyrstu vikurnar í Ytri Rangá hafa verið nokkuð vinsælar meðal veiðimanna á undanförnum árum, enda verð veiðleyfa hagstætt þessa daga, og veiðivon nokkuð góð. Engin fæðisskylda er til 10. Júlí og allt agn leyfilegt fram að þeim tíma. Veiðin hefur verið 0,5 til 2 laxar á stöngina að jafnaði undanfarin 4 ár, suma daga minna, aðra meira.

Stórlaxar er viðtalsbók þar sem sjö landsþekktir einstaklingar segja veiðisögur og ræða um lífið á árbakkanum. Margir þeirra eru þekktir fyrir allt annað en laxveiði og kemur það mörgum vafalaust á óvart að stangveiði sé þeirra aðaláhugamál utan vinnu. Aðrir lifa og hrærast í stangveiði.

Í bókinni eru 48 litsíður þar sem gefur að líta myndir af öllum stórlöxunum í sínu náttúrulega umhverfi, ef svo má að orði komast. Þar má einnig sjá ýmsa aðra góða menn og konur við veiðar. Kunnastir eru vafalaust Haraldur Noregskonungur og Eric Clapton tónlistarmaður.

Ein stöng var að losna á besta tíma á svæði 1 í Blöndu næsta sumar. Um er að ræða dagana 8 – 13 júlí, en meðalveiði á þessum dögum hefur verið frá 8 og upp í 20 laxar á stöngina á dag undanfarin 3 ár.

Lesa meira

Svæði 2 og 3 í Blöndu voru nokkuð góð í sumar, alls komu um 400 laxar á land. Að vísu eru allnokkrar stangir á svæðunum eða 9 stangir í allt – en fátítt var að það væru allar bókaðar.

Einnig verður að líta til þess að veiðin á sér nánast öll stað fyrir mánaðarmót júlí og ágúst, dagveiðin er því nokkuð góð á því tímabili, sérstaklega eftir 10 júlí.

Lesa meira

Hlutar úr hraðahindrunum sem stolið var á Hellu um helgina fundust strax í Ytri-Rangá. Tjón sveitarfélagsins vegna skemmdarverkanna hleypur á hundruðum þúsunda króna. Sveitarstjórn lítur málið mjög alvarlegum augum og hefur það verið kært til lögreglunnar. Íbúar á Hellu og aðrir sem telja sig hafa upplýsingar sem upplýst geta málið eru beðnir um að snúa sér til lögreglunnar á Hvolsvelli.

Veiði lauk í Víðidalsá þann 24 september og var lokatala úr ánni 747 laxar á land. Oft hafa sést hærri tölur úr þessari rómuðu stóralaxaá en hlutfall stórlaxa var sem fyrr afar hátt.

Ragnar Gunnlaugsson á Bakka hefur verið veiðivörður við Víðidalsá í mörg ár og hefur hann sent okkur bráðabirgðaskýrslu um veiðina í Víðidalsá og Fitjá fyrir sumarið 2011. Kunnum við honum að sjálfsögðu bestu þakkir fyrir.

Lesa meira

Veiðihúsið í Stóru Laxá sv.IV var endurgert fyrir sumarið 2011 af landeigendum og í samvinnu við Lax-á. Allt var tekið í gegn og má segja að innbú veiðihúsins sé næstum algjörlega nýtt þ.e.a.s. svefnherbergi, eldhús, borðstofa og stofan voru tekinn í gegn. Veiðihúsið rúmar 9 veiðimenn í fimm svefnherbergjum og er heitur pottur og gasgrill á veröndinni. Öll tól og tæki má finna í eldhúsinu eins og örbylgjuofn, bakaraofn og ísskáp með frysti. Því er um nýtt veiðihús að ræða og fyrsta flokks hús fyrir alla sem vilja hafa smá lúxus þegar farið er til veiða.

Landeigendur og Lax-á hafa tekið veiðihúsið við Ytri Rangá í gegn á árinu 2011. Allt var tekið útúr gamla veiðihúsinu og ný viðbygging bætt við þar sem nýr matsalur og nýtt eldhús var reist í með útsýni yfir Rangárflúðirnar úr matsalnum ásamt því að setustofur og bar voru endurhannaðar. Nýja veiðihúsið er því stórbætt og öll aðstaða fyrir veiðimenn er orðinn fyrsta flokks. Með breytingunum getum við tekið á móti stærri hópum og fyrirtækjum en svefnpláss er fyrir 40 manns. Við hjá Lax-á erum afar stolt hvernig tókst til og hlökkum til að bjóða veiðimönnum uppá glæsilegt veiðihús og góða þjónustu næsta sumar.

Engum blöðum er um það að fletta að Hróarslækur var lélegur í sumar og langt undir þeim væntingum sem til hans voru gerðar. Sér í lagi þar sem sleppingar í fyrra voru í fullu samræmi við fyrri sleppingar samkvæmt okkar heimildum.

En eitt lélegt ár þarf ekki að vera fyrirboði fyrir næstu ár og erum við því bjartsýn á næsta sumar. Síðastliðið vor var töluverðum fjölda gönguseiða sleppt í Hróa sem skila sér að mestu næsta sumar, sleppingar tókust vel og voru seiðin í hæsta gæðaflokki

Lesa meira

Blanda gamla hefur verið í fantaformi undanfarin tímabil, þrjú ár í röð hefur hún rofið 2000 laxa múrinn og sem fyrr er lunginn af veiðinni á svæði 1. Sumarið var um margt óvenjulegt fyrir norðan, Blanda rann mjög hrein fram að yfirfalli, nánast eins og bergvatnsá, og var óvenju lítið lituð eftir yfirfall – enda var ágústveiðin 340 laxar á svæði 1. Eins var minna um sveiflur á vatnsmagni í sumar en oft áður, en slíkt hefur mikil áhrif á hegðun laxins – sérstaklega á miðsvæðunum.

Fyrsti dagur í Rjúpnaveiði er í dag eins og mörgum er kunnugt. Fréttir sem við fengum í dag voru af veiðimönnum fyrir norðan sem höfðu fengið 14 fugla um hádegisbilið. Aðrir veiðimenn höfðu náð níu fuglum en þeir voru að veiðum í Dölunum fyrir vestan og voru á leiðinni heim sáttir.

Nokkrir dagar voru að losna á svæði 4 í Blöndu – vanalega er þetta það svæði sem bókast upp fyrst hjá okkur og engin undantekning er á því núna.

Hinsvegar þurfti eitt holl að afbóka daga sem þeir höfðu pantað á næsta ári, dagarnir sem um ræðir eru um miðbik júlí – sannarlega góðir dagar.

Lesa meira

Lax-á ætlar að leggja lóð á vogarskálarnar. Við höfum sett stangir sem við eigum lausar á morgun, 21. október í Ytri Rangá á tilboðsverð. Allar tekjur af sölu stanganna fyrir morgundaginn munu renna óskiptar til Fjölskylduhjálpar. Hægt er að nálgast stangir á www.agn.is

Líkt og í svo mörgum öðrum ám þá var kuldi og fiskleysi var ekki beinlínis til að hífa upp aflatölur fyr stefan@lax-a.is

Lesa meira

Nú er engum blöðum um það að fletta að haustið er komið með tilheyrandi litadýrð og rúðuskafi. Menn eru þó enn að egna fyrir laxinum í Ytri Rangá og geta aflabrögð verið góð þrátt fyrir misgóð skilyrði. Í gær komu 9 laxar á land í Ytri Rangá, þrátt fyrir töluverðan kulda og dreifðust þeir nokkuð yfir ánna

Nú eru loks öll kurl komin til grafar í Stóru Laxá í Hreppum, en ekki höfðu allir laxar skilað sér í bókina þegar áin lokaði. Nú hafa síðustu skráningar skilað sér í hús og lokatalan er 795 laxar samkvæmt okkar bókum– sem okkur skilst að sé met.

Lesa meira

Á sunnudaginn síðasta varð veiðimaður fyrir því óláni að tapa glænýrri veiðistöng á bökkum Ytri Rangár. Um er að ræða 11 feta tvíhendu ásamt hjóli – líkast til var þetta Orvis stöng. Ekki þarf að fjölyrða um hversu mikið tjón þetta er enda vita flestir veiðimenn að slíkir gripir kosta sitt.

Lesa meira

Í gær komu upp 50 laxar úr Ytri Rangá, sem gera 2,5 laxa á stöngina að jafnaði. Haustveiðin hefur verið með ágætum í Ytri það sem af er og vonandi að svo haldist áfram.

Við eigum örfáar stangir lausar nú í vikunni og á sunnudaginn næsta.

Upplýsingar um verð og stangaframboð má finna á www.agn .is eða með því senda póst á spall@lax-a.is

Lesa meira

Grár Scierra vöðlujakki hefur verið tekinn í misgripum í Ytri Rangá að kvöldi 28 september. Eigandi hans skildi hann eftir um stund við kaffistofuna hjá vigtunaraðstöðunni og var hann horfinn þega hans var vitjað aftur.

Lesa meira

Ytri Rangá er að gefa ágætlega miðað við árstíma en undanfarið hefur veiðin verið í 35 til 50 laxar þó að síðustu tveir dagar gáfu minna eða um 20 laxa. Mest hefur veiðst á maðk undanfarið en flugan er ekki langt á eftir. Lúsugir laxar hafa veiðst síðustu daga svo það er en lax að ganga í ánni. Verðið á veiðileyfum hefur lækkað talsvert núna á haustmánuðum en nokkuð er af lausum stöngum í október á góðu verði.

Vegna forfalla losnaði stöng í Ytri Rangá á morgun 29. september. Veiðin hefur verið í 40-50 löxum í þessum mánuði. Upplýsingar er að finna á skrifstofu Lax-á og á vefsölunni agn.is.

Ytri Rangá virðist ætla að halda sig í 35-50 löxum á dag í september. Við heyrðum í Matta veiðiverði og hann sagði að nokkuð af nýjum laxi hafi verið í ánni í gær en dagurinn endaði í 36 löxum. Veiðin deginum áður endaði í 40 löxum en hávaðarok var allan daginn. Mest hefur veiðst á

Nú hefur veiðihúsinu við Ytri Rangá verið lokað fyrir veturinn og verða veiðleyfi seld frá morgni til kvölds það sem eftir er tímabils (út október).

Við vekjum athygli á því að daglegur veiðitími er sem hér segir:

20 – 30 september 07:00 – 13:00 og 15:00 – 21:00

1 – 31 október 08:00 – 20:00

Lesa meira

September hefur verið þokkalegur í Víðidalsá þó hann hafi ekki verið skugginn af sjálfum sér miðað við síðustu þrjú sumur. Kuldin síðustu helgi hjálpaði ekki til en áin hefur tekið við sér aftur. Heildartalan er nú kominn í 662 laxa og má búast við að hún fari yfir 700 laxa fyrir lok tímabilsins sem lýkur 24.september.

Veiðimenn eru enn að gera frábæra hluti á svæði I&II í Stóru Laxá. Sogsmenn voru þar enn og aftur á ferðinni síðustu 2 daga, enda ekki hægt að fá nóg af veislunni sem hefur verið í gangi þarna í haust. Lönduðu þeir 49 löxum og nokkrir stórir í aflanum, þar á meðal einn 102 cm dreki. Er þetta annar fiskurinn sem þeir veiða í haust á svæðinu sem er yfir 100 cm.

Vegna forfalla losnuðu allar 4 stangirnar á svæðum 1 og 2 í Stóru Laxá núna um helgina (17 – 19 september). Ekki þarf að fjölyrða um veiðina þar að undanförnu, hún hefur einfaldlega verið frábær.

Lesa meira

Fljótið hefur verið nokkuð rólegt í sumar an þó hafa komið nokkur ágæt skot seinnipartinn í ágúst og eins nú í september. Kalt var í Biskupstungum síðustu helgi og talsvert rok, þetta bitnaði vitanlega á veiðinni eins og menn þekkja – þó sáu menn eitthvað til laxa.

Lesa meira

Ytri Rangá heldur áfram að skila góðum veiðitölum en um 40-50 laxar hafa verið að veiðast síðastliðna daga í ánni. Telst það vera fín veiði miðað við árstíma en í morgun komu 24 laxar á land. Maðkaveiði var leyfð eftir 29. ágúst og fór veiðin í kringum 200 laxar á dag fyrstu daganna en hefur svo dottið niður. Í áni er nú allt leyfilegt, maðkur, spónn og fluga.

Eins og kom fram í fjölmiðlum í síðustu viku þá varð tæknilegt óhapp við losun á úrgangi frá Reykjagarði á Hellu, sem átti að fara til förgunar á Strönd.
Þessi mistök urðu þess valdandi að úrgangurinn fór í fráveitukerfi sveitarfélagsins og barst í Ytri Rangá, veiðimönnum til ama. Þetta var slys og um einangrað tilvik að ræða.

Vetraropnunartími er skollinn á hjá okkur á skrifstofu Lax-á. Nú er skrifstofan opinn frá 9-17 alla virka daga.

Eins og fram kom í fréttum Ríkissjónvarpsins í gær varð óhapp hjá kjúklingabúinu Reykjagarði við Hellu í fyrradag þegar verið var að hreinsa úr fitugildru í verksmiðju fyrirtækisins. Flæddi þá uppúr veitukerfi verksmiðjunar með þeim afleiðingum að úrgangur fór í Ytri Rangá og litaði austurbakka árinnar í nokkra klukkutíma. Áin hreinsaði sig að mestu nokkuð fljótt og sést lítið sem ekkert í áni núna. Við hjá Lax-á hörmum að svona slys geti gerst og

Nú fara fyrstu laxveiði árnar ad loka hver á fætur annarri. Laxá á Ásum er rétt um það bil ad loka og sumarveiðin telur í kringum 400 laxa sem verður að teljast það lakasta sem ég man eftir a þeim bæ.

Stóra Laxá svæði I&II heldur áfram að skila góðum aflatölum. Svæðið er nú komið yfir 300 laxa og einungis ein vika búin af september. Síðustu tveir daga skiluðu um 60 löxum á svæðinu og þar af var einn 102 cm.

Við heyrðum í veiðimönnum sem voru að klára morgunvaktina á svæði IV í Stóru Laxá. Þeir eru nú búnir að vera 2 vaktir og komnir með 4 laxa á 2 stangir. 2 laxana voru í smærri kantinum, 5 – 6 pund en hinir voru í stærri kantinum. Sá stærri var talinn vera í kringum 18 – 20 pundin og sá minni var c.a. 12 punda hrygna. Eins og menn vita þá er eingöngu veitt og sleppt á svæði 4 og eru þessir laxar því enn í ánni.

Lesa meira

Það er aldeilis góður gangur í Stóru Laxá þessa dagana. Franskir og Sænskir veiðimenn hafa verið að veiðum síðustu daga. Mokveiði hefur verið niður á svæði eitt og tvö , sumir dagar yfir 30 laxar á 4 stangirnar , svæði eitt og tvö mun vera að nálgast 300 laxa. Mikklu rólegra er á svæði þrjú og fjögur, en síðustu daga hafa þó verið að reitast inn fiskar og farið að sjást fiskur hingað og þangað bæði á svæði þrjú og fjögur. 90 prosent af veiddum laxi hefur verið sleppt aftur í ánna.

Lesa meira

Tveir sem fóru á Heiði – Bjallalæk seinnipartinn í gær gerðu heldur betur góða veiði. Eftir vaktina voru þeir búnir að landa 3 löxum og 5 urriðum, laxarnir voru þessir hefðbundnu 5 – 7 punda Rangár Laxar en urriðarnir voru frá 3 og upp í 9 pund. Ekki amalegur meðafli það.

Lesa meira

Veiðimaður sem var við veiðar á svæði 2 í morgun var kominn með 1 lax úr Svarthyl og hafði einig misst annan við Geitaskarð, sá var nokkuð ánægður. Eins skrapp einn upp á svæði 3 í morgun og hafði 4 laxa upp úr krafsinu, 1 á flugu og hina á maðk.

Lesa meira

Um 30 laxar veiddust í gær í Stóru Laxá, á svæði 1&2. Lúsuga laxa mátti finna í blanda við þá sem hafa verið lengur í ferskvatninu. Það er ánægjulegt að husa til þess að a.m.k. 26 þessara laxa eru ennþá í ánni og bíða næstu veiðimanna.

Einhver veiði hefur einnig verið á svæði 3 en svæði 4 hefur verið rólegra. Þó sáu menn stóra laxagöngu ganga upp af svæði 3 og er því von á að eitthvað fari að gerast uppi í gljúfrum.

Lesa meira

Vegna starfsmannaferðar verður skrifstofa Lax-á lokuð á morgun, laugardag.

Við verðum að sjálfsögðu mætt til starfa aftur á mánudag klukkan 08:00 og minnu á að www.agn.is er alltaf opið.

Góða helgi.

Starfsfólk Lax-á

Lesa meira

Við heyrðum í veiðimanni sem var við veiðar á svæði 2 í Blöndu og sá var nokkuð sáttur. Hann byrjaði klukkan 15:00 í dag og var kominn með 3 laxa á innan við 3 tímum. 2 löxum náði hann í Vaðstreng og einum á Auðólfsstöðum – hann á enn Svarthylinn inni.

Lesa meira

Síðasta holl í Svartá, sem lauk veiðum núna í dag, var með um 20 laxa á land. Stærstu laxarnir voru um 14 – 15 pund og einnig veiddist nokkuð af vænum urriða. Að sögn voru misvanir veiðimenn í hollinu og stóðu menn víst ekki stíft við veiðar.

Svartá hefur verið nokkuð undir pari í sumar, sem stingur í stúf við laxagengd í Blöndu, en síðsumars- og haustveiðin hefur oft verið mjög drjúg í þessari frábæru á.

Lesa meira

Nú fer að líða að því að svæði 1 í Blöndu loki, á mánudag er síðasta vaktin á þessu ári. Sem kunnugt er þá opnar svæði 1 talsvert á undan efri svæðunum og lokar því fyrr.

Góð veiði hefur verið í Blöndu það sem af er sumars, þrátt fyrir að yfirfallið hafi verið full snemma á ferðinni. Blanda nálgast óðum 2000 laxana og það vekur athygli að yfir 300 laxar hafa veiðst eftir yfirfall.

Lesa meira

Síðusta sex dagar Stóru Laxá hafa verið sannkölluð veisla. Svæði 1&2 hafa skilað 78 löxum á land og hafa 160 laxar verið skráðir í bókina á því svæði. Af þessum 160 löxum hefur 130 verið sleppt. Áin er þekkt fyrir sínar haustgöngur og virðist sem þær byrji fyrr þetta tímabil en undanfarin ár.

Fyrsta maðkahollið byrjaði í Ytri Rangá eftir hádegi í gær en sú vakt gaf 108 laxa og endaði dagurinn í alls 155 löxum. Í morgun voru 80 laxar komnir á land svo það gera 188 laxar á fyrsta daginn í maðkahollinu. Eru þetta fínar tölur miðað við að fluguveiðihollin á undan voru að gefa að meðaltali 70 laxa á dag.

Eftir frekar óvenjulega byrjun í Tungufljóti framan af sumri er líf að kvikna og það líka svona vel. Undir lok síðustu viku mátti greina að laxinn væri að ganga en erlendir veiðimenn settu í mikið af fiski, helgin var líka fín en svo í morgun kom sprengja en kl 08:30 voru komnir 10 laxar á  þeim 2 stöngum sem við heyrðum af, mikið af fiski virðist hafa gengið og gaman verður að heyra töluna í hádeginu frá öllum stöngum.. Axelo axelo@lax-a.is

Við fengum fréttir af svæðum 1 og 2 í Stóru Laxá núna um helgina. Frakkar sem þar eru að veiðum gerðu mjög góða veiði í gær – aflatölur nálægt 2 tugum. Mesta veiðin hefur verið í Fjósahvammi en þar fengu menn um tug laxa í gær.

Lesa meira

Krossá í Bitru er kominn uppí 65 laxa í sumar en heildarveiði í áni síðastliðin ár er í kringum 90-100 laxar. Áin hefur verið frekar vatnslítil undanfarið en það hefur rignt síðastliðna daga. Það vantar ennþá aðeins uppá svo vatnsstaða teljist góð en haustrigningar sjá vonandi um það. En eru nýir laxar að ganga upp ána en lúsugur laxar veiddust síðastliðin sunnudag.

Það voru rétt í þessu að forfallast 2 stangir í fyrsta maðkahollinu í Ytri Rangá. Hið fræga holl byrjar kl 15.00 þann 29 ágúst og endar 1 sept.

Þetta er sennilega stefan@lax-a.is

Lesa meira

Við heyrðuðm í veiðimanni sem var í Hallá í síðustu viku og gerði ágætis túr. Alls komu 11 laxar upp, allt upp í 12 pund, og veiddist bæði á neðri hlutanum og einnig uppi á dal.

Halláin getur verið mjög gjöful, ef rigningin frískar aðeins uppá hana, en að sama skapi getur hún verið erfið í litlu vatni – eins og algengt er með litlar ár. Einhver rigning er í kortunum um helgina og gæti því orðið fjör þarna fyrir norðan.

Lesa meira

Við heyrðum í Óla veiðiverði í Eystri Rangá. Áin hefur verið að gefa um 60 laxa á dag í vikunni og er ekki mikill munur á morgun og síðdegisvöktunum í aflatölum. Laxinn er vel dreifður milli svæða og er því ekkert eitt svæði sem er að standa upp úr í þessari viku.

Tveir veiðimenn voru á svæði 3 í Blöndu seinnipartinn í gær og höfðu 2 laxa upp úr krarfsinu, annar ver í kringum 7 pundin en hinn var 16 punda Blönduhængur eins og þeir gerast skemmtilegastir. Báðir komu upp úr Skurðsenda svokölluðum. Það hefe akki margir farið til veiða á svæði 3 eftir yfirfall en þeir sem hafa farið hafa allir fengið lax.

Lesa meira

Snorri veiðivörður hefur verið að fylgja veiðimanni í Tungufljótið í gær og í morgun í Tungufljótinu fallega. Í gær komu 5 laxar á eina stöng og voru komnir 2 á land á þessa sömu stöng á klukkutíma nú í morgun.

Lesa meira

Stórveiðimaðurinn Gústaf Gústafsson var að koma úr Hvannadalsánni og átti þar góðan dag. Landaði tveimur löxum og missti einn bolta, fyrir utan að sjá laxa á flestum stöðum. Sérstaklega var gaman að sjá að Gústaf var að fá nokkuð nýgengna fiska, m.a. einn lúsugan. Það var hreyfing á fiskinum á milli staða og því virðist vera lax á göngu þó komið sé fram á seinni hluta sumars.

Mikill lax er genginn upp fyrir Árbæjarfoss og þó nokkur lax mun vera kominn alla leið upp á Heiði / Bjallalæk, sem er efsta svæðið í Ytri Rangá. Mikill metnaður var settur í seiðasleppingar á efri svæðunum með það að markmiði að fá meira af laxi til að ganga upp á efri svæðin. Til að mynda var bætt við tveimur nýjum sleppitjörnum sleppt á svæðið og var 25.000 seiðum sleppt í hverja tjörn fyrir sig.

Svo virðist sem að líf sé að glæðast í Tungufljóti í Biskupstungum. Í gær komu 8 laxar á land á 4 stangir og skiptist þannig að allir veiðimenn fengu lax.

Fljótið hefur verið með rólegasta móti í sumar, en sterkasti tíminn hefur jafnan verið seinnihluti ágústmánaðar og september allur.

Lesa meira

Laxveiði síðustu ára hefur verið með allra besta móti og hefur einkennst af aflametum í nánast hverri einustu sprænu sem við eigum hér á landi. Sumarið í ár hefur aftur á móti verið afar frábrugðið fyrri árum. Það fór seint af stað eftir kalt vor og kuldakast í upphafi sumars. Laxinn lét einnig bíða eftir sér, þá sérstaklega eins árs laxinn sem hefur verið uppistaðan í aflatöflum síðustu ára. Veiðin hefur tekið við sér og Rangárnar hafa verið að sína sinn rétta lit undanfarið en þessa stundina er þriðji hver lax veiddur úr Rangánum tveim.

Við fengum póst frá Kristjáni Jónssyni stórveiðimanni sem skrapp á svæði 3 í Blöndu í gærkvöldi..

...var í Blöndu 3 seinnipartinn c.a.4,5 klst aflinn var 3 laxar 62,84,og 87cm

Langadalsá er kominn uppí 184 laxa. Við heyrðum í Sigga veiðiverði og voru veiðimenn sem kláruðu í morgun að setja í lúsuga laxa og var mikið af nýjum laxi undir neðstu brúnni. Af nágranna hennar Laugardalsá er það að frétta að hún er kominn uppí 165 laxa það sem af er sumri.