Fréttasafn
Vaxandi eftirspurn í íslenska eldisbleikju á erlendum mörkuðum
Mjög vaxandi eftirspurn er eftir íslenskri eldisbleikju á erlendum mörkuðum. Stærsti bleikjuframleiðandinn hér á landi annar ekki eftirspurn um þessar mundir. Langstærstur hluti af eldisbleikju á heimsmarkaði kemur frá Íslandi. Héðan fara um þrjúþúsund tonn ár hvert en heildarneyslan er um 5000 tonn. Helstu markaðir fyrir eldisbleikju eru í Bandaríkjunum, en þar hefur mikið starf verið unnið undanfarin ár við að kynna íslensku bleikjuna. Samherji framleiðir tvo þriðju af eldisbleikju hér á landi og bleikjueldi er sá hluti af fiskeldi fyrirtækisins sem vaxið hefur hve mest síðustu ár.
Jón Kjartan Jónsson, framkvæmdastjóri fiskeldis hjá Samherja, segir að gríðarlega fjármuni þurfi til að stækka eldið. Það haldi aftur af vexti eldis hér á landi og sjálfsagt víðar. Vinsældir bleikjunnar í Bandaríkjunum eru slíkar að stærsti framleiðandinn hér á landi annar ekki eftirspurn. Jón Kjartan segir að það sé ekki staða sem búið verði við í langan tíma.
.JPG)
.jpg)
