Noregur er kominn á kortið - Allar upplýsingar hér á síðunni hafa verið uppfærðar

5.1.2009

Lax-á býður upp á frábæra Laxveiði í Noregi

Komdu með Lax-á í Stórlaxa ævintýri

Noregur er land fullt af stórum fjörðum og vígalegum skógi vöxnum fjöllum. Frábær veiðisvæði, stórfenglegt útsýni og ein besta stórlaxa veiði í heiminum í dag. Tækifærin eru mörg, Atlantshafs lax, bleikja, stór urriði og sjóbirtingur, allt þetta og meira til í næsta nágrenni..

Það er okkur sönn ánægja hér hjá Lax-á að bjóða þér kæri veiðimaður, upp á þetta einstaka tækifæri á að komast í færi við þann stóra. Njóta þín í guðsgrænni náttúrunni, lykta af sumrinu, villt blóm og stökkvandi fiskur um allt í nýju umhverfi þar sem hver dagur kemur með hið óvænta og gleður þig út að eyrum..

Sumum fynnst kannski svolítið langt að ferðast alla leið til Noregs til að fara í Lax en fyrir aðra er hér kannski um að ræða hina sannkölluðu Pílagrímsferð. Tækifæri til að feta í fótspor þeirra mörgu veiðimanna hvaðanæva úr heiminum sem veitt hafa í fjölmörgum stórlaxaám Noregs í áratugi og látið vel af. Og ekki má gleyma að Víkingarnir komu til Noregs svo segja má að þú sért að halda á fornar slóðir þeirra..

Ferðalagið í dag er ósköp einfalt og þægilegt en flogið er daglega á Noreg svo þú getur farið að morgni og verið byrjaður að dýfa flugunni í vatn seinnipartinn.  Við hér hjá Lax-á erum í góðu samstarfi við mörg flugfélög í heiminum og að sjálfsögðu okkar heimaflugfélag Icelandair en þeir þjónusta einmitt Noreg..

Það er mikil fjölbreytni í veiðinni í Noregi og búast má við að landa mörgum tegundum af ferskvatns fiski eins og kom fram hér að ofan. Það eru mjög góð uppeldisskylirði fyrir þessa fiska og því oft mikið fjör á bökkunum.  Markmið Lax-á í Noregi er einfalt en það er að einfalda Íslenskum veiðimönnum að víkka út hjá sér veiðihringinn og finna nýja heima í Laxveiðinni.  Og við teljum Noreg vera stað til þess.  Lax-á er í mjög góðu samstarfi við heimamenn og hefur yfir allra bestu svæðum úr að velja. Þannig getum við lagt okkar að mörkum til að gera ferðina eftirminnilega og fulla af hinu óvænta sem væntalega eru 2ja stafa tölur í pundum..

Veiðihús er öll til fyrirmyndar með þjónustu sem er á heimsmælikvarða, frábær matur, góð hvíldaraðstaða og kósýheit.  Leiðsögumenn eru reyndir og þekkja vel til aðstæðna. Það getur verið góð lausn hjá fyrirtækjum að bjóða starfsfólki, vinnuhópum og þessháttar til Noregs því öll veiðihúsin geta verið prívat og eru með allann fundarbúnað sem til þarf ef menn kjósa svo..

Veiðsvæðin eru annsi mikil og oft þarf að ferðast á milli á bátum en svo eru önnu svæðin minni eins og sjá má á myndinni hér að ofan, hreint út sagt geggjað umhverfi að veiða í. Samanlagt í Noregi er um 400 laxveiðiár.. 

Hreint loft, Gin tært vatn, mikið svæði fyrir veiðarnar, gott veðurfar er það sem heillar menn við Noreg. Heimamenn eru einnig afar stoltir af þessari perlu og það er annsi gaman að taka smá rökræður við þá um hvort sé betra að veiða lax á Íslandi eða í Noregi. En hvað stærð á Laxi varðar þá hafa þeir vinninginn.  Láttu það eftir þér að kíkja á frændur vora og renna fyrir Stórlaxi einum af þeirra veiðiperlum..

Laxveiðiárnar í Noregi eru annsi duglegar þegar kemur að uppeldi Atlantshafs laxins og nú undanfarin 3 ár hafa miklar breytingar orðið á veiðinni sérstaklega vegna þess að öll netaveiði hefur verið bönnuð í þeim fjörðum þar sem helstu veiðiárnar eru. Meðal þyngd á Laxi er 2ja stafa tala og smálaxinn er vænn líka..

Hér má sjá eina Klassíska Laxveiðiflugu sem mikið er notuð í Gaula, ekki ýkja langt frá því sem gengur og gerist á Íslandi. Hér að neðan má sjá veiðihús úr lofti en veiðihúsin sem við verðum með eru öll fyrsta flokks og sniðin að þörfum allra veiðimanna..

Fyrir Íslenska veiðimenn er veiðiútbúnaður sem nota þarf í Noregi svipaður þeim sem við notum hér heima.  Tvíhendur eru nauðsynlegar og menn þurfa helst að kunna vel á veltiköst til að koma flugunni á rétta staði því mikið er af trjám á bakvið mann við veiðarnar.  Vöðlurnar og hlýr fatnaður eru nauðsynlegur hluti af ferðinni en vatnið í ánum getur verið annsi kalt.  Nauðsynlegt er þó að vera með flotlínu, sökklínu, sökkenda og intermediate línu til að vera undirbúinn í hvaða aðstæður sem er..

Lax- á býður þig velkominn með sér til Noreg 2009, við hlökkum til að heyra frá þér og skipuleggja frábæran veiðitúr á framandi slóðir sem skapar góða minningu að eilífu..

Veiðisvæði Lax-á í Noregi 2009 eru eftirfarandi, Malselv, Abjora, Namsen, Orkla og hin ógleymanlega Gaula..

Allar frekari upplýsingar má fá hjá okkur, sláðu á þráðinn eða sendu póst

Axel Óskarsson   axelo@lax-a.is

snr..  00354-5576100

Árni Baldursson  arnibald@lax-a.is

snr..  00354-5576100

Til baka Senda grein Prenta greinina