Veiðin í Dee undanfarna daga er búinn að vera nokkuð góð og í samræmi við undanfarin ár. Í síðustu viku veiddust 159 laxar og 82 sjóbirtingar en föstudagur og laugardagur voru óveiðanlegir sökum veðurs. Það gerði mikla rigningu og þrumuveður sem varð til þess að áin hljóp upp. Þegar að sjatna tók í ánni varð veiðin eftir bókinni og á Mánudaginn komu 46 laxar á land. Í gær komu 65 laxar á land, stærsti laxinn var 23 pund og kom á land við Cambus O´May. Veðurspáin framundan er góð, það er spáð hlýindum og góðviðri og við fylgjumst náið með..Axelo axelo@lax-a.is

Atvinnu minkaveiðimaður segir illa hafa verið staðið að tilraun til að útrýma mink á einstökum landsvæðum. Hann segir ekki hægt að útrýma minknum úr íslenskri náttúru en hinsvegar megi halda honum í skefjum með því að skipuleggja veiðarnar af skynsemi. Umhverfisstofnun stóð fyrir veiðiátaki á mink í Eyjafirði og á Snæfellsnesi á árunum 2007 - 2009 og er áætlað að verkefnið hafi kostað um 160 milljónir í heild..Axelo axelo@lax-a.is

Íslenskir skotveiðimenn eyða samtals vel á annan milljarð á ári í tengslum við veiðarnar. Þetta eru niðurstöður könnunar sem gerð var við Háskólann á Akureyri. Hinn dæmigerði skotveiðimaður er 42 ára gamall karlmaður. Hann er háskólamenntaður, kvæntur, á tvö börn og býr á höfuðborgarsvæðinu. Hann veiðir helst á suðvestursvæði og hans aðalbráð er grágæs.. Axelo axelo@lax-a.is

Mjög vaxandi eftirspurn er eftir íslenskri eldisbleikju á erlendum mörkuðum. Stærsti bleikjuframleiðandinn hér á landi annar ekki eftirspurn um þessar mundir. Langstærstur hluti af eldisbleikju á heimsmarkaði kemur frá Íslandi. Héðan fara um þrjúþúsund tonn ár hvert en heildarneyslan er um 5000 tonn.. Axelo axelo@lax-a.is

Blesgæsarstofninn sem hefur viðdvöl á Íslandi á fartíma er fáliðaður og verpir mjög dreift á Vesturströnd Grænlands. Stofninn er því kenndur við Grænland. Á fáum árum hefur orðið hrun í stofninum og er orsök þess slakur varpárangur, sem veldur því að nýliðun er ekki nægileg til að standa undir afföllum vegna skotveiða. Stofninn taldi um 36.000 fugla á árunum 1998-99 en er nú líklega innan við 25.000 fuglar. Veiðarnar eru þar af leiðandi ósjálfbærar. Nákvæm orsök afkomubrestsins er óþekkt.. Axelo axelo@lax-a.is

Þorkell Fjeldsted, bóndi í Ferjukoti í Borgarfirði hringdi nú rétt í þessu og sagði mér frá því að það væri farinn að ganga fiskur í síkin. Vanalega fer hann að ganga í síkin fyrr á vorin en sökum snjóleysis hefur verið lítið um vatn. Það voru 2 veiðimenn þar í dag og fóru heim með 11 fantafína matfiska sem voru að hans sögn sprellfjörugir. Aðalveiðin er vestan við brúnna um miðbik síkjana og orange nobbler hefur iðulega gefið vel. Sýkin eru fínn staður til að ná úr sér hrollinum, undirritaður tók meðal annars sinn fyrsta flugufisk þar fyrir annsi mörgum árum, einmitt á þessum tíma.  Áhugasömum er bent á www.agn.is en þar má nálgast leyfin á fantafínu verði..Axelo axelo@lax-a.is

Magnús Geir Jónsson, 33 ára Njarðvíkingur og Vatnalilja með veiðidellu er veiðimaður vikunnar hér hjá okkur í spjallinu. Magnús hefur komið víða við í veiðinni, hann veiðir á skemmtilegum stöðum árlega s.s. Laxá í Mývatnssveit, Rangánum, Norðurá og víðar. Maríulaxinn sinn veiddi hann aðeins 7 ára gamall og fyrsta flugulaxinn sinn 12 ára. Veiðiáhuginn var það mikill hjá honum á yngri árum að afi hans þurfti að binda hann fastann við stuðarann á bílnum til að missa hann ekki útí á, geri aðrir betur, heyrum hvað hann hefur að segja..Axelo axelo@lax-a.is

Mjög góð veiði hefur verið í Litluá þennan fyrsta mánuð veiðitímans. Komnir eru á land yfir 300 fiskar og margir nokkuð stórir. Þrátt fyrir að fremur kalt hafi verið á veiðisvæðinu, þá hefur það ekki haft áhrif á veiðina. Mikill áhugi hefur verið meðal veiðimanna og dæmi um að sömu veiðimenn hafi komið oft í ána þennan fyrsta mánuð. Stærsti fiskurinn hingað til reyndist vera 82 cm löng feit og falleg bleikja. Nokkuð hefur verið af vænum fiski í aflanum en rúmlega 40 fiskar hafa reynst yfir 3 kg.. Axelo axelo@lax-a.is

Það er góður gangur í laxveiðinni í Dee um þessar mundir, veiðin dreyfist vel á milli svæða og allt útlit fyrir að mikið af fiski hafi gengið í ánna núna í vor. Á mánudag komu 20 laxar á land, sá stærsti var 18 pund, veiddur á Park. Á þriðjudag komu 46 fiskar á land, sá stærsti 22 pund, veiddur á Kincardine. Í gær, miðvikudag komu 30 fiskar á land, sá stærsti 18 pund, veiddur á Barrowstown. Af þessari veiði komu 13 laxar á land á okkar svæði L Crathes. Veðrið er þokkalegt, 10°c hiti, vatnmagn í ánni er mjög gott og allar aðstæður fínar. Eftir helgi verða starfmenn skrifstofu Lax-á við veiðar og búast má við að þeir leggi sitt á vogarskálarnar til að landa sem flestum fiskum, við fylgjumst vel með..Axelo       axelo@lax-a.is

Lesa meira

Geitakjöt er ef til vill ekki á boðstólum á íslenskum heimilum dags daglega en Vilhjálmur Vernharðsson, geitabóndi á Möðrudal á Fjöllum, segir mikla eftirspurn eftir því. Öll hans framleiðsla seljist upp nær samstundis. Íslenski geitastofninn er ekki stór, um 570 dýr, sem er ívið meira en verið hefur síðustu áratugi..Axelo axelo@lax-a.is

Við höldum áfram að taka púlsinn á veiðimönnum og næstur í röðinni er ungur og upprennilegur veiðimaður sem kippir vel í kynið en pápi hans er Óli yfirguide í Eystri Rangá. Jón Björn Ólafsson er maðurinn og það er gaman að heyra skoðanir hans á veiðinni. Sem dæmi segir Jón" ein hlið veiðinnar er nánast Ólympíugrein og það eru veiðisögurnar... þar verða oft smátittir að heljarinnar skrímslum sem brutu næstum því stangirnar, undirritaður er alls ekki undanskilinn þeim frásagnarhætti enda órjúfanlegur þáttur veiðinnar" hlerum Jón Björn aðeins meira.. Axelo axelo@lax-a.is

Kanadagæs sem var skotin með ör fyrir nokkrum vikum var alls ekki svo vitlaus. Stórslösuð, með 66 sm langa ör úr brjóstinu, lenti hún heima hjá dýralækni sem var kominn á eftirlaun. Bernard Levine, 82 ára, býr í New Jersey í Bandaríkjunum. Hann flýtti sér að handsama fuglinn þegar hann varð var við hann og tókst að fjarlægja örina með skurðaðgerð þótt hún stæði djúpt.. Axel axelo@lax-a.is

Það er flott viðbót við skotveiðitímabilið hér á Íslandi að geta skroppið erlendis og sótt sér bráð. Lax-á hefur um árabil boðið uppá slíkar ferðir erlendis. Einn sá staður sem er hvað vinsælastur er hið fræga lodge, Pica Zuru í Cordoba héraði. Þar er boðið uppá heimsklassa dúfnaveiði, og í raun svo góða að veiðimenn tala um að þegar dúfurnar fari á stjá þá varla sjáist til sólar!! Það eru til veiðimenn sem hafa skotið meira en 3000 dúfur á einum degi.. Axelo axelo@lax-a.is

Lesa meira