Fyrirmyndar veiði og aðstaða

Sérhannað og glæsilegt veiðihús er við veiðisvæðið Toon Ken. Það er staðsett á fallegum útsýnisstað rétt ofan við veiðisvæðið. Við hönnun hússins var mikil áhersla lögð á þarfir veiðimanna og öll þægindi. Í veiðihúsinu er fluguhnýtingaraðstaða, vöðlugeymsla, setu- og borðstofa, bar, heitur pottur og skjólsæl verönd. Öll herbergin eru með sérbaðherbergi og er internet tenging í húsinu fyrir þá sem þurfa á slíku að halda í veiðiferðum..

Veiðimenn okkar í Toon Ken, Rio Grande undanfarin ár eru á einu máli um að nýja veiðihúsið fái hæstu mögulegu einkunn, hvað varðar góðan mat, ljúft starfsfólk, góð og hentug húsakynni. Alls eru 7 stangir leyfðar í Toon Ken..

Toon Ken veiðisvæðið nær yfir efra og miðsvæði árinnar Rio Grande alls 20 km svæði, veitt er frá báðum bökkunum.  Rio Grande er auðveld yfirferðar en sumstaðar getur verið erfitt að vaða þar sem botninn er grýttur.  Þrátt fyrir það reynir mikið á tækni og getu veiðimanna.  Sá stóri getur verið dintóttur og látið hafa fyrir sér.  Aðra stundina getur hann tekið niður við botninn en þá næstu komið stökkvandi á þurrflugu í yfirborðinu..

Auk þess getur vatnsmagn árinnar breyst á stuttum tíma í kjölfar rigninga og þurrka.  Allar aðstæður hvetja veiðimanninn til að sýna hvað í honum býr og sýna tilbreytingu hvað tækni og flugur varðar!  Þá verður honum launað erfiðið ríkulega..

Sjóbirtingurinn í Rio Grande liggur yfirleitt nálægt bakkanum yfir miðjan daginn en ef vatnsyfirborðið er lágt kjósa þeir fremur hraðara vatn við enda veiðistaðanna.  Eins og venja er ferðast þeir mest snemma morguns, síðdegis og í ljósaskiptunum..

Leiðsögumenn okkar í Toon Ken eru margreyndir leiðsögu- og veiðimenn.  Þeir eru mjög kunnugir ánni og dyntum þess stóra og því um að gera að nýta þekkingu þeirra til hins ítrasta.  Leiðsögumennirnir hjálpa svo til við að löndun og sleppingu og þeir eru góðir með myndavélinna svo það er ekki úr vegi að byðja þá um að taka nokkrar myndir í action..

Aðallega veiðist þarna hinn margrómaði RISA sjóbirtingur af meðalvikt 15 pund. En menn geta þó alltaf átt von á að setja í þann stóra, allt frá 24-30+ pund!!!  Auk þess veiðast þarna urriði og regnbogasilungur..

Viltu framlengja ferðina? Það eru margir spennandi kostir í boði, skotveiðar á dúfum, öndum eða gæsum í Cordoba og Buenos Aries - 3 dagar á sérkjörum fyrir þá sem taka viku á Rio Grande. Einnig er hægt að fara í Dorado veiði til Corrientes eða á stórdýraveiðar um alla Argentínu t.d. Red Stag, Buffalo, Puma ofl. ofl..

Við getum með ánægju haldið myndasýningar fyrir áhugasama á skrifstofu Lax-á eða hitt hópa sem eru í veiðiferð í veiðihúsunum okkar í sumar.  Boðið er upp á eðal rauðvín frá Argentínu á meðan á sýningu stendur. Þið getið einnig fengið fría geisladiska hér á skrifstofunni sem lýsa ævintýrinu..

Allar nánari upplýsingar má nálgast hér hjá okkur á skrifstofu Lax-á, við tökum vel á móti þér..

Bestu kveðjur,

            Axel Óskarsson  axelo@lax-a.is

             Sími: 531-6100

                Árni Baldursson  arnibald@lax-a.is

                  Sími: 531-6100

Til baka Senda grein Prenta greinina