Áin Stóra - Rio GRANDE - Heimkynni RISA sjóbirtinga!

Undanfarin ár hefur Lax-á boðið uppá veiðiferðir til Argentínu við góðan orðstýr og ánægju þeirra sem reynt hafa. Í kjölfar aukinnar eftirspurnar hefur verið ákveðið að taka skrefið lengra í fyrirhugaðri útrás fyrirtækisins á þessum slóðum. Við höfum aukið við framboð okkar í ánni Rio Grande, veiðisvæðinu við Toon Ken, auk þess sem við höfum náð samningum um önnur veiðihús við ánna sem og nágranna Rio Grande, Rio Gallegos..

Rio Grande er og hefur verið spennandi og afar krefjandi valkostur fyrir íslenska veiðimenn. Áin er þekkt um allan heim fyrir tröllvaxna sjóbirtinga þar sem meðalþyngdin er um 12 pund en á besta tíma er alvanalegt að menn setji í 20+ punda fisk. Meðalveiðin er 10-35 fiskar á hverja stöng eftir vikuveiði. Þar sem oft blæs byrlega þarna á syðsta odda Argentínu, hefur íslenskum veiðimönnum gengið vel að fanga bæði vind og þann stóra..

Í Rio Grande er eingöngu veitt á flugu og er öllum fiski sleppt. Rio Grande eða Áin stóra, eins og hún heitir á íslensku er 150 km löng og á upptök sín í Andes fjöllum. Hún rennur um Chile og Argentinu á  leið sinni út í Suður Atlantshaf. Sjóbirtingur á ekki náttúruleg heimkynni á suðurhveli jarðar, en upphaf sjóbirtingsveiða í ánni Rio Grande, í Tierra Del Fuego í Argentínu má rekja aftur til ársins 1935..

Veiðihúsin í Argentínu er öll á mjög háu gæðastigi en þar er þaulþjálfað starfsfólk í hverri stöðu sem lætur manni líða vel allan sólarhringinn. Maturinn er æðislegur, stórsteikur, ferskur fiskur og allskonar spennandi réttir sem maður hefur ekki smakkað áður. Einnig eru vínin í sérflokki og eingöngu borin fram eðalvín í hvert mál. Einnig er netsamband, í húsunum og boðið er uppá þvottahús fyrir skítug föt..

Breskur hugsjónarmaður að nafni John Goodall ásamt félaga sínum, heimamanninum Jose Menendez fengu send 100.000 seiði frá Bretlandi. Seiðin sem bæði voru regnbogasilungur og lækjarurriði, höfðu ferðast langa leið frá Evrópu til Chile og þaðan til Tierra del Fuego pökkuð í mjólkurbrúsa ásamt vatni og mosa. Þrátt fyrir erfitt ferðalag héldu 60.000 seiðanna lífi..

Þeim var vandlega komið fyrir í tveimur litlum þverám Rio Grande, Candelaria og MacLennan. Ekki var næg fæða handa urriðanum í ánum og því héldu seiðin til hafs í kjöraðstæður þar sem gnægð var af góðri fæðu. Seiðin snéru svo aftur í ána sem feitir og pattaralegir sjóbirtingar, sannkallaðir orkuboltar..

Sjóbirtingurinn í Rio Grande þrífst aðallega á sérstakri tegund sardína sem finnst í stórum stíl við strendur Tierre Del Fuego, enda hafa rannsóknir sýnt að fiskurinn ferðast ekki nema um 100 mílur burt frá ánni yfir vetrartímann..

Á tæpri öld hefur sjóbirtingsstofninn í Rio Grande styrkts og byggst upp eins og best verður á kosið. Þarna hefur eingöngu verið veitt á flugu og öllum fiski slept frá 1983. Sífellt stærri og fleiri fiskar veiðast, og  fiskisagan flýgur því í dag er Rio Grande orðin ein af eftirsóttustu sjóbirtingsveiðiám heims. Algeng vikuveiði er 20-30 pr.stöng, meðalþyngd 15 pund. Veitt er á léttar græjur og því viðbúið að viðureignin verði fjörug og nái svo sannarlega að koma blóðinu á hreyfingu..

Tölurnar hér fyrir neðan sýna góðan árangur í kjölfar sleppinganna:

Ár                             Meðalveiði á stöng/á viku              Meðalþyngd í pundum 1983-1990                                12                                                  7               1990-1995                                    20                                                 9          1995-2000                                    28                                               10           2000-2003                                  36                                               12            2003-2008                                   38                                              

Allar nánari upplýsingar má nálgast hér á skrifstofunni hjá okkur..

Settu þig í samband, við tökum vel á móti þér..

Axel Óskarsson  axelo@lax-a.is

Sími: 531-6100

Árni Baldursson  arnibald@lax-a.is

Sími: 531-6100