Sogið er vatnsmesta bergvatnsá landsins, Það fellur úr Þingvallavatni og sameinast Hvítá í Árnessýslu 20 km. neðar, suðaustan Ingólfsfjalls.Ásgarður er fornfrægt veiðisvæði í Soginu, þekkt fyrir stórlaxa og vænar bleikjur. Svæðið er kjörið til fluguveiða þar sem hver tökustaðurinn rekur annan.  Svæðinu fylgir frábært veiðihús á Gíbraltarhöfða með stórbrotnu útsýni yfir veiðisvæðið.

DSC00026

Veiðisvæðið:Veiðimörk nær frá veiðimörkum Ásgarðs og Syðri Brúar, niður að víkinni neðan gamla veiðihússins.

Veiðileyfi: Þrjár stangir eru leyfðar á svæðinu og eru þær seldar saman í pakka frá hádegi til hádegis.

Veiðitími: Veiðitími í Ásgarði er 24. júní – 24. september.
Frá 24.júní til 20.ágúst eru veiddar tvær vaktir, sú fyrri á kvöldvakt frá kl 16-22 og sú síðari á morgunvakt frá kl 7-13. Frá 20. ágúst til loka veiðitíma er seinni vaktin veidd frá kl 15-21.

Leyfilegt agn: Fluga og spónn. Athugið að maðkur er bannaður frá og með 2017.

Kvóti: Tveir smálaxar á stöng á dag, skylt er að sleppa öllum laxi yfir 70cm. Drepist lax yfir mörkum ber að afhenda hann veiðiverði.

Veiðihús: Glæsilegt veiðihús með gistiaðstöðu fyrir sex í þremur tveggja manna herbergjum sem eru öll með sér snyrtingu. Við húsið er kolagrill, gufubað, heitur pottur og stór verönd. Öll eldunaráhöld og borðbúnaður fyrir 8 manns, eldavél með ofni, örbylgjuofn.Í Húsinu er sjónvarp og DVD spilari.Veiðimenn koma sjálfir með sængur og kodda eða svefnpoka, rúmföt, tuskur og viskastykki.
Staðhættir og umgengni: Veiðimenn eru beðnir að fara varlega á bökkum Sogsins. Æskilegt er að nota ávallt björgunarvestin sem geymd eru í veiðihúsinu þegar vaðið er. Takið  með ykkur allt rusl og skiljið svæðið eftir eins og þið vilduð koma að því.

Aðgengi: Fólksbílafært, sumir veiðistaðir eru örskot frá húsinu.

Veiðitæki: Tvíhenda 12-14 fet, einhenda fyrir línu 7-9.
Bestu flugur: Gárutúbur, Black Sheep, Microtúbur og Collie Dog.

L1020371

Leiðarlýsing í Ásgarð: Veiðisvæðið er u.þ.b. 67km frá Reykjavík. Sé þjóðvegur 1 ekinn úr höfuðborginni er beygt til vinstri inn á Biskupstungabraut (35) rétt áður en ekið er inn á Selfoss. Eftir að komið er yfir brúnna við Þrastarlund er fljótlega tekin vinstri beygja inn á Þingvallaveg (36). Þar eru eknir ca. 3,5km þar til komið er að ruslagámum á vinstri hönd. Við gámana er tekinn afleggjari til vinstri inn í sumarbústaðahverfið. Eftir það skal taka aðra beygju til hægri og sá slóði ekinn þar til komið er að veiðihúsinu. Kóði að húsinu er í veiðileyfinu.

Umsjónarmaður:  Halldór og Kristbjörg, S: 8996480

Veiðileyfi: Skrifstofa Lax-á í síma 531-6100
Jóhann Torfi johann@lax-a.is ; Jóhann Davíð jds@lax-a.

Staðsetning

L1020317L1020304L10202992014-09-02 20.47.05DSC00004L1020008DSC00180