Blanda svæði IV (Refsá) hefur svo sannarlega slegið í gegn á undanförnum árum. Svæðið er ægifagurt og veiðin hefur oft á tíðum verið ævintýraleg. Áin er blátær og mun minni um sig á þessum hluta og því hægt að nota allt önnur og nettari veiðitæki en á neðri svæðum Blöndu.

Island Juli 2007 049

Veiðisvæði: Frá og með Litla Klif (400) að og með Rugludalshyl (490). Vinsamlegast athugið að bannað er að veiða fyrir neðan veiðistað Nr.400 og niður að aðfalli.

Stangarfjöldi: Þrjár stangir seldar saman í pakka á tímabilinu 20. júní – 20. september. Seldir eru stakir dagar frá hádegi til hádegis.

Tímabil: 20. júní-20 september.

Daglegur veiðitími: Athugið nýtt 2017:

Veitt er frá 8-14 og frá 15-21 allt tímabilið. Menn fá nesti í hádegisverð til að njóta uppi á dal. 

Leyfilegt agn: Athugið nýtt frá 2016: Eingöngu fluguveiði leyfð með flugustöngum frá opnun fram að yfirfalli, öllum laxi yfir 70cm skal sleppt. Drepist lax yfir stærðarmörkum ber að afhenda hann veiðiverði.

Hentugustu veiðitæki: Einhenda fyrir línu 8-9.

Bestu flugur: Gárutúbur, Sunrise Shadow, Colly dog, Snældur, Munroe Killer og Francis.

Staðhættir og aðgengi: Misjafnt. Gott að sumum stöðum en erfitt að öðrum. Æskilegt að veiðimenn séu vel á sig komnir.

Kvóti: Þrír laxar á stöng á vakt, ekki er heimilt að færa óveiddann kvóta á milli vakta. Skilja skal eftir einn óveiddan lax af kvóta ef menn vilja veiða áfram og sleppa. Ef kvóta er náð ber að hætta veiði.

Vinsamlegast fylgið veiðireglum í hvívetna. Verði menn uppvísir að veiðbrotum varðar það tafarlausum brottrekstri af svæðinu.

IMG_5824

Veiðihús: ATH Nýtt frá og með 2017

Frá og með sumrinu 2017 fylgir með per stöng gisting í hinu glæsilega veiðihúsi Hólahvarfi með fullu fæði. Aukamaður á stöng greiðir fyrir gistingu og fæði í veiðihúsi.  Athugið að herbergi þarf að rýma áður en haldið er til veiða síðasta morguninn. 

Veiðikort: Blanda IV

Veiðibók: Er staðsett í veiðihúsinu. Veiðimönnum er skylt að skrá allan afla daglega.

Vatnsstaða: Þegar líða tekur á sumarið er árviss viðburður að hækka tekur í Blöndulóni sem nær hámarki þegar vatnsborðið fer að flæða yfir stífluna við lónið. Er þá talað um að Blanda fari á yfirfall.

Þegar Blanda fer á yfirfall hækkar yfirborð árinnar nokkuð og litast hún talsvert með þeim afleiðingum að áin verður erfiðari til veiða. Verð veiðileyfa í ágúst mánuði tekur mið af þeim möguleika að áin geti hugsanlega orðið illveiðanleg, enda ómögulegt að spá nokkuð fyrirfram um hvort eða hvenær áin fari á yfirfall. Lax-á getur því ekki borið ábyrgð sé áin á yfirfalli þegar veiðimenn eru við ánna.

Á undanförnum árum hefur verið mjög misjafnt hvenær áin hefur litast, sumarið 2013 litaðist áin t.a.m. lítið sem ekkert og gerðu margir frábæra veiði það árið langt fram í september. Árið 2014 fór áin á yfirfall þann 30.08 og veiddist mjög vel fram að þeim tíma.

Bókanir og nánari upplýsingar:

Skrifstofa Lax-á, s: 531 6100,

Jóhann Torfi – johann@lax-a.is ; Jóhann Davíð – jds@lax-a.is

Staðsetning 

IMG_5843

IMG_5863IMG_5845IMG_5817IMG_5538IMG_5508IMG_5511IMG_5550IMG_5818IMG_5506