Blanda svæði tvö er skemmtilegt svæði þar sem veitt er á fjórar stangir og allt löglegt agn er leyfilegt. Svæðið gefur oft glettilega góða veiði og sækja sömu hópar í það ár eftir ár. Vel rúmt er um stangirnar fjórar og margir skemmtilegir veiðistaðir. 

25 punda lax úr Blöndu_03

Veiðihús:  ATH. NÝTT 2016. MÓBERG FYLGIR NÚ MEÐ SVÆÐI II.EITT HERBERGI PER STÖNG EÐA ALLT HÚSIÐ EF ALLAR ERU KEYPTAR.

Húsið er lúið og komið til ára sinna, engin lúxus en ágætt til síns brúks. Í húsinu eru 4 svefnherbergi, eldhús með helstu eldhúsáhöldum og stofa. Gasgrill er við húsið. Ekki er frystikista en hægt er að fá að geyma afla í Hólahvarfi. Það þarf að taka með sér sængur eða svefnpoka, rúmföt, handklæði, tuskur og viskastykki. Veiðimenn mega mæta í hús klukkutíma áður en veiði hefst og skulu rýma húsið klukkutíma eftir að veiði lýkur. Munið að ræsta vel húsið og taka allt rusl.

Svæði II í Blöndu: Nær frá dæluhúsi í landi Breiðavaðs að fremsta grjótgarði úti í Blöndu, við heimreið að Æsustöðum að austan. Að vestan ræður merki sem þar hefur verið sett niður og er nokkru framar. Veiðistaðir 201 – 277

Bannað er að veiða í Ennisholu – Nr.200

Staðsetning: Norðvesturland. Blanda rennur í gegnum Blönduós, um 270 km frá Reykjavík.

Stangarfjöldi: 4 stangir. Seldur er einn eða fleiri dagar frá hádegi til hádegis.

Tímabil: 20. júní – 20. sept.

Daglegur veiðitími: 

7-13 og 16–22 (20. jún.–20. ág.)

7-13 15–21 (21. ág.–20. sept.)

Meðalvigt: 8 pund.

Leyfilegt agn: Fluga, maðkur og spúnn.

Kvóti: Þrír laxar á stöng á vakt, ekki er heimilt að færa óveiddann kvóta á milli vakta. Skilja skal eftir einn óveiddan lax af kvóta ef menn vilja veiða áfram og sleppa. Ef kvóta er náð ber að hætta veiði.

DSC00026

Svæðaskipting: Á svæði 2 eru 4 stangir og skiptist svæðið þannig: Tvær stangir eru á svæðinu frá Laugahvammi að Bjarnarstreng (veiðistaðir 201 að 260).Tvær stangir eru á svæðinu frá Einarsbreiðu og uppfyrir Svarthyl ( veiðistaðir 261 að 277). Veitt er í hálfan dag á hvoru svæði og því skipt innbyrðis eða eftir öðru samkomulagi.Komist allar stangir að samkomulagi um aðra skiptingu en þá sem hér er lýst skal sú kipting gilda fyrir það holl.

Veiðimenn verða að mæta í veiðihúsið Móberg hálftíma fyrir veiði til að draga um skiptingar.

Veiðileiðsögn: Veiðileiðsögn á svæði II í Blöndu 

Hentugustu veiðitæki: Tvíhenda 13-15” fyrir línu 9-11.

Kort: Blanda II

Vatnsstaða:  Þegar líða tekur á sumarið er árviss viðburður að hækka tekur í Blöndulóni sem nær hámarki þegar vatnsborðið fer að flæða yfir stífluna við lónið. Er þá talað um að Blanda fari á yfirfall. Síðustu ár hefur einnig borið á því að vélar eru keyrðar í virkjun sem getur haft grugg í för með sér. Þegar Blanda fer á yfirfall eða vélar eru keyrðar hækkar yfirborð árinnar nokkuð og litast hún talsvert með þeim afleiðingum að áin verður erfiðari til veiða. Verð veiðileyfa í ágústmánuði tekur mið af þeim möguleika að áin geti hugsanlega orðið illveiðanleg, enda ómögulegt að spá nokkuð fyrirfram um hvort eða hvenær áin fari á yfirfall eða vélar eru keyrðar. Lax-Á getur því ekki borið ábyrgð á ástandi vatnsins þegar veiðimenn eru við ánna. Á undanförnum árum hefur verið mjög misjafnt hvenær áin hefur litast, sumarið 2015 litaðist áin t.a.m. lítið sem ekkert og gerðu margir frábæra veiði það árið langt fram í september.

Bókanir og nánari upplýsingar:

Skrifstofa Lax-á, s: 531 6100

Jóhann Torfi – johann@lax-a.is ; Jóhann Davíð – jds@lax-a.is

Staðsetning – Móberg veiðihús 

L1020254

L1010821

DSC00244

DSC00084

DSC00062

DSC00056

DSC00037

DSC00019

Blanda sv 2, Pasi (8)