Svartá opnaði þann fyrsta júlí með látum. Oft hefur neðri hluti árinnar verið heitastur svona fyrst í opnun en nú bar svo við að lax hafði dreift sér um alla á og töluvert af honum.
Fyrstu vaktina komu sex á land og enginn þeirra af neðsta svæðinu. Hollið endaði með alls tuttugu laxa eftir tvo daga, allt stórlax.
Á meðfylgjandi mynd má sjá 90cm hæng sem tók mikro þýska snældu í Brúnarhyl.
Svartá er nánast uppseld í sumar, síðustu stangirnar má sjá i vefsölunni.
Veiðikveðja
Jóhann Davíð